XOSROV A MEC, XOSROV QAJ / ԽՈՍՐՈՎ Ա ՄԵԾ, ԽՈՍՐՈՎ ՔԱՋ

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org

Հայոց Արշակունի թագավոր 211թ-ից:
Հաջորդել է հորը՝ Վաղարշ Ա-ին:

Ծննդյան թիվն անհայտ է:
Մահ. 259թ.:

Անցել է Կովկասյան լեռները, պատժել խագրաց և բասլաց ցեղերին, ապահովել պետության հս. սահմանները:
Պաշտպանելով քրմական դասի շահերը՝ հալածել է քրիստոնեա համայնքներին:
215թ-ին Հռոմի հետ դաշինք կնքելու պատրվակով հրավիրվել է Ասորիք և ձերբակալվել:
Կարակալլա կայսրը, խուսափելով ոտքի ելած հայկական զորքի հետ ընդհարվելուց, ազատել է Խոսրով Ա-ին:
216-ին, պարթևների զինակցությամբ, Հայոց թագավորը պարտության է մատնել հռոմեական զորքերին: Իրանում պարթև Արշակունիների դեմ Սասանյանների մղած գահակալական կռիվների ժամանակ Խոսրով Ա պաշտպանել է Արտավան V Արշակունուն, իսկ նրա պարտությունից հետո գլխավորել հակասասանյան ուժերի պայքարը Արտաշիր I Սասանյանի դեմ:
Հռոմեական կայսր Ալեքսանդր Սևերոսի դաշնակցությամբ 232թ-ի գարնանը Խոսրով Ա հաղթել է պարսկական զորքերին և կասեցրել նրանց առաջխաղացումը:
Ըստ ավանդության՝ Արտաշիր 1-ի դեմ հաղթական պատերազմի առթիվ Խոսրով Ա-ն Ատրպատականում հիմնել է Դավրեժ (այժմ՝ Թավրիզ) քաղաքը:
Այնուհետև 234-245թթ-ին կռիվներ է մղել Սասանյանների դեմ՝ պարթև Արշակունիների թագավորությունը վերականգնելու և Հայաստանի սահմանները պաշտպանելու նպատակով:
Սպանվել է պարսկական արքունիքի կազմակերպած դավադրությամբ: