ԽՈՒԼ ԽԱՉԻԿ, ԽԱՉԻԿ ԱՐԾՐՈՒՆԻ

Գործունեությունը` Իշխան

Բնակավայրը` Հայաստան

Վասպուրականի Թոռնավան գավառի իշխան:
Հիշատակվում է նաև «Առյուծ» մականունով, «Հայոց մեծ իշխան» պատվանունով:

Ծննդյան թիվն անահայտ է:
Մահ. 1042թ., Թոռնավան:

1021-ին՝ Վասպուրականի ազատանու արտագաղթից հետո, հրաժարվել է հեռանալ հայրենիքից, բայց որդիները՝ Հասանն ու ճնճղուկը, իրենց զորագնդերով ծառայության են անցել Բյուզանդական կայսրությունում:
1042-ին ԽՈՒԼ ԽԱՉԻԿը 70 ռազմիկներով դիմադրել է Թոռնավան ներխուժած այլազգի հրոսակախմբին, սակայն որդու՝ 15-ամյա Իշխանիկի հետ զոհվել է անհավասար մարտում:

ԽՈՒԼ ԽԱՉԻԿի որդիները 5-հազարանոց զորախմբով ջախջախել են վերստին Թոռնավան խուժած թշնամու 15-հազարաանոց հրոսակախմբին, ոչնչացրել իրենց հորն ու եղբորն սպանողներին՝ հետ խլելով նրանց զենքերն ու դրոշները:

ԽՈՒԼ ԽԱՉԻԿին է նվիրված Ա. Քամալյանի «Խուլ Խաչիկ» (1905) պատմական վիպակը: