ԿԱՐԱՊԵՏ ԲԱԼԱԲԵԽ

Գործունեությունը` Ազգային-ազատագրական շարժման գործիչ, Ֆիդայի

Բնակավայրը` Հայաստան

Ծննդյան թիվն անհայտ է, գ. Ուրտափ (Խլաթի գավառ):
Մահ. 1915թ., Բիթլիս:

Հայ ազգային-ազատագրական շարժման գործիչ, ֆիդայի:
ՀՀԴ կուսակցության անդամ:
1895-98-ին գործել է Աղբյուր Սերոբի խմբում,
1895-ին կազմակերպել Ուրտափի ինքնապաշտպանությունը:
1897-98-ին ճարտարի զինատար խմբում զենք է փոխադրել Խլաթ, մասնակցել է մի շարք կռիվների (Քյոշկ գ-ի, Խաթավինի ևն), հատկապես աչքի ընկել է Բաբշեևի կռվում (1898):
Աղբյուր Սերոբի ազատագրական պայքարի ըմբռնումների անդավաճան հետևորդն էր:
Գործել է նաև Վանում, ապա անցել Կարս:
Մասնակցել է հայ-թաթարական ընդհարումներին (1905-06):
Երիտթուրք. հեղաշրջումից (1908) հետո, մինչև 1915-ը, ապրել և գործել է Խլաթում:
Դավադրաբար ձերբակալվել է, տեղափոխվել Բիթլիսի բանտ և կախաղան բարձրացվել: