ԿԻՐԱԿՈՍ ԱՂԲԱԿԵՑԻ

Գործունեությունը` Գրիչ, Մանկավարժ

Բնակավայրը` Հայաստան

XIV դ. 1-ին կեսի գրիչ և մանրանկարիչ:
Վասպուրականի մանրանկարչության դպրոցի ակնառու ներկայացուցիչ:

Նույն ինքը՝ Կիրակոս Քահանա

Ծննդյան և մահվան թվերն անհայտ են:

Գործել է Վասպուրականի Աղբակ գյուղաքաղաքում:
Ընդօրինակել կամ պատկերազարդել է Ավետարաններ (1318-19-ի՝ ձեռ. № 4817, 1330-ի՝ ձեռ. № 2929, 1332-ի՝ ձեռ. № 9423, 1351-ի՝ ձեռ. № 2745, XIV դ-ի՝ ձեռ. № 5469) և ժող. (1352, բոլորը՝ Մատենադարանում):

Երկու ձեռագիր Ավետարաններ գտնվում են Նոր Ջուղայում և Հալեպում:

ԿԻՐԱԿՈՍ ԱՂԲԱԿԵՑու արվետարանը Վասպուրականի մանրանկարչության դպրոցի ինքնատիպ ճյուղավորումներից է, որին հատուկ է առարկաների ու կերպարների խիստ պարզ պատկերումը, զարդային կառուցվածքով պայմանավորված գիծը, թափանցիկ գուներանգը:

Գրակ.
Հակոբյան Հ., Մանրանկարիչ Կիրակոս Քահանա, «Էջմիածին», 1973, № 3: