KIRAKOS TAVRIZECI / ԿԻՐԱԿՈՍ ԹԱՎՐԻԶԵՑԻ

Գործունեությունը` Մանրանկարիչ

Բնակավայրը` Հայաստան

XIV դ. սկզբի մանրանկարիչ:

Ծննդյան և մահվան թվերն անհայտ են:

1330-ին Ջղավնա անապատում (տեղն՝ անհատ է) ԿԻՐԱԿՈՍ ԹԱՎՐԻԶԵՑԻն ծաղկել է Կիրակոս Երզնկացու ընդօրինակած Ավետարանը (Նոր Ջուղայի Ամենափրկիչ վանքի թանգարան, ձեռ. № 47/43), որի մանրանկարների ոճից և պատկերագրությունից երևում է, որ ստեղծվել է Սյունիքում:

Ձեռագրերի խորանները հիշեցնում են կիլիկյան ստեղծագործությունները, իսկ տերունական որոշ պատկերներ՝ Մոմիկի 1302-ի (Մատենադարան, ձեռ. № 6792) Ավետարանի նկարազարդումները:

ԿԻՐԱԿՈՍ ԹԱՎՐԻԶԵՑու արվեստին բնորոշ է զարդաձևերի առատությունը տերունական պատկերներում, պայծառ գունային համադրություններում՝ կարմիրի և կապույտի գերակայությունը, զգեստների ծալքավորման գծային լուծումը, ինչպես նաև պատկերագրական հնագույն նախօրինակների կիրառումը:

Գրակ.
Der - Nersessian S., Mekhitarian A., Armenian Miniatures from Isphahan, Brussels, 1986.