ԿՈԶՄԱ

Գործունեությունը` Գրիչ

Բնակավայրը` Հայաստան

XII դ. 2-րդ կեսի և XIII դ. 1-ին քառորդի գրիչ և մանրանկարիչ:

Ծննդյան և մահվան թվերն անհայտ են:

1166-ին Հռոմկլայում Առաքել Եպիսկոպոսի համար ընդօրինակել-նկարազարդել է Ավետարան (ձեռ. № 7347, Մատենադարան):

ԿՈԶՄԱի մյուս ձեռագրերը ստեղծվել են 1205-ին՝ Խարբերդում (Վենետիկի Մխիթարյան միաբանության մատենադարան) և 1219-ին՝ Խարբերդի Բարջանճ անապատում (ձեռ. № 7734, Մատենադարան):

Հայտնի է ևս երկու ձեռագիր՝ Կ. Պոլսում և ԱՄՆ-ում (Հ. Քյուրտյանի հավաքածու):

ԿՈԶՄԱն գրել է «ընտիր» երկաթագրով և բոլորգրով, ձեռագրերը նկարազարդել խորաններով, լուսանցազարդերով և ավետարանիչների պատկերներով: