ԿՈՍՏԱՆԴԻՆ (պայլ)

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org

Գունդստաբլ (1210-ից), պայլ, թագավորահայր և ավագ պարոն Կիլիկյան Հայաստանում:

Ծննդյան թիվն անհայտ է:
Մահ. 1263թ.:

Շողականի ճակատամարտում (1216) գերվել է սելջուկյան թուրքերից:
Լևոն Բ 1219-ին փրկագնել է և կարգել իր դստեր՝ Զաբելի խնամակալ:
Լևոն Բ-ի մահից (1219) հետո ԿՈՍՏԱՆԴԻՆը հայկական գահը պաշտպանել է ապստամբած Վահրամ մարաջախտի և Ռուբեն Ռայմունդի ոտնձգություններից,
1221-ից երկրի կառավարումը կենտրոնացրել իր ձեռքում:

7-ամյա Զաբելին պսակել է Անտիոքի դուքս Բոհեմունդ IV Միակնանու որդի Ֆիլիպի հետ, նրան օծել Կիլիկիայի հայոց թագավոր, սակայն լատինամետ քաղաքականության պատճառով 1223-ին նրան գահազրկել է, բանտարկել և կրկին ստանձնել երկրի կառավարումը:

Զաբելին ամուսնացնելով իր 11-ամյա որդի Հեթումի հետ՝ վերջինիս հռչակել է գահաժառանգ:

1226-ին Հեթում Ա օծվել է թագավոր:

ԿՈՍՏԱՆԴԻՆը կարգվել է թագավորահայր և ավագ պարոն, նրա մյուս որդիներից Սմբատը՝ գունդստաբլ, Բարսեղը՝ Սսի արքեպիսկոպոս և Դրազարկի վանահայր, Լևոնը՝ մարաջախտ և պարոնաց պարոն, Օշինը՝ պայլ և Կոդիկիսի բերդատեր:

Ցկյանս եղել է Հեթում Ա-ի գահակիցն ու խորհրդատուն:

ԿՈՍՏԱՆԴԻՆի հմուտ քաղաքականության շնորհիվ հաղթահարվել են ներքին երկպառակությունները, բարենպաստ պայմաններ են ստեղծվել երկրի տնտեսամշակութային վերելքի համար: