ԿՈՍՏԱՆԴԻՆ Գ, Գվիդոն (կամ Կի) Լուսինյան

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org
hy.wikipedia.org

Կիլիկիայի հայոց թագավոր 1343-ից:
Կիպրոսի թագավոր Ամորի Լուսինյանի և Զաբելի որդին:
Հաջորդել է Լևոև Ժ Հեթումյանին:

Ծննդյան թիվն անհայտ է:
Մահ. 1345թ., Սղանա:

Հոր դավադրական սպանությունից (1310) հետո մոր և 4 եղբոր հետ ապաստանել է Կիլիկիայում (Լևոն Ե-ի արքունիքում), ապա՝ Կոստանդնուպոլսում:
1343-ին 300 ֆրանկ զինվորների ուղեկցությամբ ժամանել է Կիլիկիա և հայկական ծեսով օծվել թագավոր:
Եգիպտոսի մամլուքների և կարամանցի թուրքմենների դեմ երկրի պաշտպանությունը կազմակերպելու փոխարեն կառավարումը հանձնել է ունիթորներին ու ֆրանկներին, հալածել հայրենասեր իշխաններին, բռնագրավել նրանց կալվածքները:

Ապստամբած հայրենասիրական ուժերը Օշին Բակուրանի գլխավորությամբ սրի են քաշել ԿՈՍՏԱՆԴԻՆ Գ-ին և նրա ֆրանկ պալատականներին: