ԿՈՍՏԱՆԴԻՆ ՍԻԼՎԱՆ, Սիղվանոս

Գործունեությունը` Կրոնական գործիչ

Բնակավայրը` Հայաստան

Պավլիկյան աղանդավորական շարժման առաջնորդ 657-ից:

Ծննդյան թիվն անհայտ է:
Մահ. 681/684թ.:

Գործել է Բարձր Հայքի Մանանադի գավառում:
654-ին ընդունել է Պողոս առաքյալի աշակերտ Սիլվանի (Սիղվանոսի) անունը:
657-ին տեղափոխվել է Բյուզանդական կայսրության Կոլոնիայի Կիբոսա ամրոցը (Փոքր Հայքի տարածքում), կազմակերպել պավլիկյան համայնք:
Այրել է մանիքեական գրքերը, ընդունել միայն Նոր կտակարանը (առանց Պետրոսի թղթերի) և Պողոս առաքյալի թղթերը՝ դրանք մեկնաբանելով պավլիկյան գաղափարների տեսանկյունից:
Սպանվել է բյուզանդական պատժիչ զորքերի կողմից:
Բյուզանդացի պատմագիրներ Պետրոս Սիկիլիացին, Փոտը և Գևորգ Վանականը ԿՈՍՏԱՆԴԻՆ ՍԻԼՎԱՆին համարել են Պավլիկյան շարժման հիմնադիրը:
Իրականում նա վերափոխել է պավլիկյանների գաղափարախոսությունը՝ այն մաքրելով մանիքեությունից ժառանգած զրադաշտական դրույթներից: