ՀԱՄԱԶԱՍՊ ԲԱԲԱՋԱՆՅԱՆ ԽԱՉԱՏՈՒՐԻ

Գործունեությունը` Խորհրդային Միության հերոս

Բնակավայրը` Ռուսաստանի Դաշնություն

Հղումներ` www.azg.am
hy.wikipedia.org

Զրահատանկային զորքերի գլխավոր մարշալ (1975), Խորհրդային Միության հերոս (26.4.1944):

Ծնվ. 18.02.1906թ., գ. Չարդախլու (այժմ՝ Ադրբեջանի Շամխորի շրջանում):
Մահ. 01.11.1977թ., Մոսկվա, թաղված է Նովոդևիչիե գերեզմանատանը:

Ավարտել է Ա. Մյասնիկյանի անվ. հայկական միացյալ ռազմական դպրոցը (1929), Մոսկվայի Մ. Ֆրունզեի անվ. ռազմական ակադեմիայի արագացված դասընթացները (1942), ԳՇ ռազմական ակադեմիան (1948):

Մասնակցել է խորհրդա-ֆիննական պատերազմին (1939-40):
Հայրենական պատերազմի (1941-45) սկզբին եղել է հրաձգային գնդի հրամանատար,
մասնակցել Մոսկվայի ուղղությամբ Սմոլենսկի շրջանում մղված մարտերին,
Ելնյայի ազատագրմանը,
Օրյոլի պաշտպանությանը,
1941-42-ի ձմռանը մարտնչել Հվ-արմ. և Հվ. ռազմաճակատներում:

1942-ի սեպտեմբերից, որպես մեքենայացված բրիգադի հրամանատար, Կալինինյան ռազմաճակատում մասնակցել է ՌԺևի շրջանի ռազմական գործողություններին,
1943-ի հուլիս-օգոստոսին՝ Կուրսկի ճակատամարտին:

1943-ի վերջին, Կիևի ազատագրումից հետո, նրա բրիգադը կարևոր դեր է խաղացել Կազատին երկաթղ. հանգույցի գրավման գործում,
1944-ի հունվարին մասնակցել Պրոսկուրով-Չեռնովցիի ռազմական գործողությանը, Տեռնոպոլի շրջանից հաղթական երթով հասել է Դեսնա և գետանցել այն:
1944-ի հուլիս-օգոստոսին, Լվով-Սանդոմիրի ռազմական գործողության ժամանակ, ՀԱՄԱԶԱՍՊ ԲԱԲԱՋԱՆՅԱՆի բրիգադը առաջապահների շարքում գետանցել է Վիսլան և հենակետ գրավել Սանդոմիրի մոտ:
1944-ի օգոստոսից մինչև պատերազմի ավարտը եղել է 1-ին տանկային բանակի 11-րդ գվարդիայի տանկային կորպուսի հրամանատար:
1945-ի սկզբին կորպուսը մասնակցել է (1-ին բելոռուսական ռազմաճակատում) Վիսլա-Օդերի ռազմական գործողությանը, մարտին (2-րդ բելոռուսական ռազմաճակատում) ջախջախել թշնամու Հս. Պոմերաևիայի ուժերը և գրոհել Բեռլինը:

Հետպատերազմյան տարիներին ՀԱՄԱԶԱՍՊ ԲԱԲԱՋԱՆՅԱՆի վարել է պատասխանատու պաշտոններ՝ բանակի շտաբի պետ, բանակի հրամանատար, Օդեսայի ռազմական օկրուգի զորքերի հրամանատար (1959-67), զրահատանկային զորքերի ակադեմիայի պետ, խորհրդային բանակի տանկային զորքերի պետ (1969-ից):
ԽՍՀՄ (1962-70), ՌԽՖՍՀ, ՀԽՍՀ ԳԽ պատգմ.:
Գրել է ռազմահուշագրական գրքեր:
ՀԱՄԱԶԱՍՊ ԲԱԲԱՋԱՆՅԱՆի անունով են կոչվել դպրոցներ, փողոցներ Մոսկվայում, Երևանում:

* * * *
"ԵՐԲ ՄԻ ՀԵՏԱԴԱՐՁ ՀԱՅԱՑՔ ԵՄ ՁԳՈՒՄ ԻՄ ԱՆՑԱԾ ՄԱՆԿՈՒԹՅԱՆ ՕՐԵՐԻՆ, ԱՉՔԵՐԻՍ ԱՌԱՋ ՀԱՌՆՈՒՄ Է ԻՄ ՀԱՅՐԵՆԻ ՉԱՐԴԱԽԼՈՒՆ, ՈՐԸ ՆՄԱՆԸ ՉՈՒՆԻ ԱՄԲՈՂՋ ԱՇԽԱՐՀՈՒՄ ԵՎ ՆՐԱ ԿԱՐՈՏԸ ՀԱՃԱԽԱԿԻ Է ՁԳՈՒՄ ԻՆՁ ԴԵՊԻ ԱՅՆ, ԴԵՊԻ ԻՄ ՕՐՐԱՆԸ, ՈՐ ՍՆԵԼ ՈՒ ԳՐԱՃԱՆԱՉ Է ԴԱՐՁՐԵԼ ԻՆՁ, ՆՐԱ ՄԱՔՈՒՐ ՕԴՈՎ ԵՄ ԵՍ ԶՈՐԱՑԵԼ, ԶՈՐԱՎԱՐ ԴԱՐՁԵԼ":
Հ. Խ. ԲԱԲԱՋԱՆՅԱՆ

Երկեր.
Дороги победы, 3 изд. исп. и доп., М., 1981.

Գրակ.
Սադովսկի Տա. Գ., Ծառայությունը այսպիսին է՝ հաղթել, Ե., 1986: