ՀԱՐՈՒԹՅՈՒՆ ՓԱՆՈՍՅԱՆ ԿԱՐԱՊԵՏԻ

Գործունեությունը` Գիտնական

Բնակավայրը` Հայաստան

Մանրէաբան,
ՀԽՍՀ մանրէաբանության դպրոցի հիմնադիրներից:
Կենսբանական գիտությունների դոկտոր (1945), պրոֆեսոր (1947),
ՀԽՍՀ ԳԱ թղթակից անդամ (1956):
ՀԽՍՀ գիտության վաստակավոր գործիչ (1966):

Ծնվ. 14.08.1906թ., գ. Չիֆթլիկ (Սեբաստիայի նահանգ):
Մահ. 13.04.1973թ., Երևան:

Գ. Հ. Փանոսյանի հայրը:

Ավարտել է ԵՊՀ (1928):

1939-ին Արմֆանի կենսբանական ինստիտուտում ստեղծել է մանրէաբանների խումբ (1942-ից՝ բաժանմունք,
1961-ից՝ ՀԽՍՀ ԳԱ Մանրէաբանության ինստիտուտի, որի տնօրենն էր մինչև 1963-ը),
1947-71-ին, միաժամանակ՝ ՀԳԻ բույսերի ֆիզիոլոգիայի և մանրէաբանության ամբիոնի վարիչ:

Առաջինն է նկարագրել ծծումբ և հրաքար օքսիդացնող որոշ բակտերիաներ, փշատենու պալարաբակտերիաները, հայտնաբերել է ծիրանենու մանրէներից մեկի՝ ազոտաբակտերի ակտիվացնողները և մշակել դրանց կիրառման պայմանները:

Ուսումնասիրել է Սևանա լճի և ջրից ազատված տարածքների ֆոսֆորաբակտերները:

Երկեր.
Գյուղատնտեսական միկրոբիոլոգիա Ե., 1962:
Մթնոլորտային ազոտի կենսաբանական ֆիքսացիան Հայկական ՍՍՌ հողերում, Ե., 1975:

Լուսանկարը տրամադրել է ՀԱՐՈՒԹՅՈՒՆ ՓԱՆՈՍՅԱՆի թոռնուհի՝ Նինա Մովսիսյանը: