ՀՄԱՅԱԿ ԲԱԲԱՅԱՆ ԳՐԻԳՈՐԻ

Գործունեությունը` Խորհրդային Միության հերոս

Բնակավայրը` Հայաստան

Ծնվ. 15.08.1901թ., գ. Ժըրչի (Կարսի մարզ):
Մահ. 21.04.1945թ., գ. Լինդենբերգ, Բեռլինից հս-արլ., թաղված է Լեհաստանի Մըսլիբուժ ք-ում:

Խորհրդ. բանակի գեներալ-մայոր (1944), Խորհրդ. Միության հերոս (հետմահու, 31.5.1945):

Ավարտել է Երևանի Ա. Մյասնիկյանի անվ. հայկական միացյալ ռազմական(1924) և Կիևի հրամանատարական (1926) դպրոցները, ռազմական ակադեմիաներիի կատարելագործման դասընթացներ (1944):
Ծառայել է 76-րդ հայկական լեռնահրաձգային դիվիզիայում,
1938-ից՝ Մինսկի զինվ. օկրուգում:
Հայրենական պատերազմի (1941-45) սկզբին նրա գունդը ծանր մարտեր է մղել Բելոստոկ, Վոլկովիսկ, Բարւսնովիչի և Ելեց ք-ների շրջանում:
1942-ի ապրիլ-մայիսին Բ. Կերչում ղեկավարել է (հրամ. Ս. Զաքյանի զոհվելուց հետո) 390-րդ հայկական դիվիզիայի մարտ, գործողությունները:
1945-ին 1-ին բելոռուս, ռազմաճակատում, որպես բրիգադի հրամանատար, մասնակցել է Լեհաստանի ազատագրմանը, ապա՝ Բեռլինի գրավմանը:
Հերոսի կոչման արժանացել է Լինդենբերգի մոտ մղված մարտերում ցուցաբերած խիզախության համար: