HOVHANNES (Ivan) ISAKOV STEPANI / ՀՈՎՀԱՆՆԵՍ (Իվան) ԻՍԱԿՈՎ ՍՏԵՓԱՆԻ

Գործունեությունը` Զինվորական գործիչ

Բնակավայրը` Ռուսաստանի Դաշնություն

Հղումներ` hy.wikipedia.org
www.encyclopedia.am
www.warheroes.ru
ru.hayazg.info

«Հովհաննես Իսակովիը տաղանդավոր, նախաձեռնող և ուժեղ կամքի տեր ծովակալ»:
Մարշալ Գեորգի Ժուկով

Ծնվ. 22.08.1894թ., գ. Հաջիքենդ (Ելիզավետպոլի գավառ):
Մահ. 11.10.1967թ., Մոսկվա, թաղված է Նովոդևիչիե գերեզմանատանը:

Խորհրդային Միության նավատորմի ծովակալ (1955):
ՌԾ գիտ. թեկնածու, պրոֆ. (1951):
ԽՍՀՄ ԳԱ թղթ. անդամ (1958), ՀԽՍՀ ԳԱ պատվ. անդամ (1967):
Խորհրդային Միության հերոս (1965):

Ավարտել է Թիֆլիսի ռեալական ուսումնարանը (1913), Պետրոգրադի գարդեմարինյան դասընթացները (1917), Լենինգրադի ռազմածովային ակադեմիայի բարձրագույն հրամկազմի կատարելագործման դասընթացները (1928):

1914-ից ծառայել է ՌԾՆ-ում (Բալթյան նավատորմի «Իզյասավ», «Ռիգա», «Կոբչիկ», «Կորշուն» նավեր):

1918-ին հեղ. նավաստիների հետ Բալթիկ ծո վում մասնակցել է գերմանական նավատորմի դեմ ծովային մարտերին՝ իրականացնելով Հելսինգֆորսից ռուսական նավերի «սառցային» արշավանքը դեպի Կրոնշտադտ:

1920-ին՝ Վոլգա-կասպյան նավատորմում «Դեյատելնի» ականակրի, ապա՝ Բալթյան նավատորմում «Յակոր» նավի հրամանատար:

1922-27-ին՝ Սևծովյան նավատորմի օպերատիվ շտաբի բաժնի պետ:

1929-ին նշանակվել է ԲԳԿԲ ԳՇ ծովային բաժանմունքի պետ,

1932-ին՝ Ռազմածովային ակադեմիայի ռազմական արվեստի ամբիոնի դասախոս, 1937-ին՝ Բալթյան նավատորմի հրամանատար,

1938-46-ին՝ ՌԾՈՒ շտաբի պետ, ՌԾՆ ժողկոմի տեղակալ, առաջին տեղակալ: 1941-ին նշանակվել է Հս-արմ.,
1942-ից՝ Հս-կովկասյան ռազմաճակատների գլխ. հրամանատարի տեղակալ և ռազմական խորհրդի անդամ:

Մասնակցել է Սևծովյան և Կասպյան նավատորմերի ռազմագործողությունների ղեկավարմանը Կովկասի ճակատամարտում:

1942-ի հոկտեմբերին Տուապսեի շրջանում տեղի ունեցած մարտում ծանր վիրավորվել է, սակայն մնացել է մարտական դիրքերում՝ վարելով ՌԾՈՒ ԳՇ պետի պաշտոնը:

1947-ին՝ «Ծովային ատլասի» (հ. 1-3) խմբագրական կոլեգիայի նախագահ: 1-ին հատորի համար պարևատրվել է ԽՍՀՄ Պետ. մրց. (1951):

Եղել է Լենինյան և ԽՍՀՄ Պետ. մրցանակների կոմիտեի երկրաբանության և աշխարհագրության հանձնաժողովի անդամ (1958-67), օվկիանոսագիտության պատվավոր անդամ (1967), ԽՍՀՄ գրողների միության (1955) անդամ, Մեքսիկայի ռազմական հետազոտությունների ակադ-ի պատվավոր անդամ (1958):

Գրել է ծովային կյանքին վերաբերող պատմվածք, ավելի քան 250 ուսումնասիրություններ Լ. Սերեբրյակովի և Ն. Ստեփանյանի մասին:

Եղել է ԽՍՀՄ ԳԽ պատգամավոր (1937-46):

ՌԴ ՌԾՈՒ-ում Իսակովի անունով կոչվել է հածանավ, ՀՀ և ԼՂՀ քաղաքներում՝ փողոցներ:
Երևանի Իսակովի պողոտայում տեղադրվել է Իսակովի հուշարձանը:

Պարգևատրվել է.
Լենինի (6),
Կարմիր դրոշի (3),
Ուշակովի 1-ին աստիճանի (2),
Հայրենական պատերազմի 1-ին աստիճանի,
Կարմիր աստղի շքանշաններ և բազմաթիվ մեդալներ:

Երկեր.
ՍՍՀՄ ռազմածովային նավատորմը Հայրենական պատերազմում, Ե., 1946: Ակնարկներ, Ե., 1970:
Պատմվածքներ նավատորմի մասին, 2 հրտ., Ե., 1984:

Գրակ.
Հարությունյան Ա., Սովետական Միության նավատորմի ծովակալ Ի.Ս. Իսակով, Ե., 1975:
Ռուդնի Վ., Երկար, երկար նավարկություն, Ե., 1987:
Վարդապետյան Ա., Հ.Ս. Իսակով (Կյանքը և ռազմածովային գործունեությունը), Ե., 1973:
Арзуманян А.М., Адмирал флота Советского Союза И.С. Исаков, Е., 1973.