ՀՈՎՀԱՆՆԵՍ ԱԼԹՈՒՆՅԱՆ (Ալթըն Ժան)

Գործունեությունը` Գյուղատնտես

Բնակավայրը` Ֆրանսիա

Ծնվ. 1709թ., գյուղաքաղաք Ճահուկ (Նախիջևանի գավառ):
Մահ. 1774թ., Ավինյոն` Ֆրանսիա:

Անատոլիայում 14 տարի աշխատելով տորոնի դաշտերում` սովորել է դրա մշակման եղանակը:
Անատոլիայից փախել է, Զմյուռնիայի ֆրանսայի հյուպատոսի օգնությամբ հասել Ֆրանսիա և հաստատվել Ավինյոն քաղաքում` իր հետ գաղտնի տեղափոխելով տորոնի սերմեր (թուրքական օրենքով տորոնի սերմը երկրից դուրս տանողին սպառնում էր մահապատիժ):
1758-ին Վոկլյուզի դեպարտամենտում (Ֆրանսիայի հվ.) Հ. Ալթունյանը ներդրել է տորոնի մշակությունը, որը որպես ալիզարին ներկանյութի հումք շահութաբեր էր տեղի բնակչության համար:
Ի պատիվ Ալթոնյանի` ֆրանսիացիները հուշատախտակ են դրել Ավինյոնի Կելվե թանգարանում (1821), իսկ վոկլյուզցիները կանգնեցրե են նրա բրոնզե արձանը Նոթր-Դամ դը Դոմ ժայռի վրա (1846):