ՀՈՎՀԱՆՆԵՍ ԱՍՐՅԱՆ ԱՐՏԵՄԻ (Օհան Ասլանյան)

Գործունեությունը` Զինվորական գործիչ

Բնակավայրը` Հայաստան

Ֆրանսիական Դիմադրության շարժման մասնակից, «Ստալինգրադ» պարտիզանական ջոկատի հիմնադիրներից:

Ծնվ. 08.02.1920թ., գ. Վանք (այժմ՝ ԼՂՀ Մարտակերտի շրջանում):
Մահ. 13.12.1969թ., գ. Վանք:

Հայրենական պատերազմում (1941-45) Սևաստոպոլի պաշտպանական մարտերի ժամանակ վիրավոր գերի է ընկել (1942-ի հուլիսի 3):

Համակենտրոնացման ճամբարից 6-րդ փախուստից հետո հասել է Փարիզ:

Ջոկատի հետ ոչնչացրել է ֆաշիստական պահակախումբը, Փարիզի Էյֆելյան աշտարակի վրայից հանել Գերմանիայի զինանշանն ու դրոշը և կանգնեցրել Ֆրանսիայի պետական դրոշը:

Զորացրվելուց (1945) հետո եղել է ծննդավայրի մշակույթի տան տնօրեն:

Նրա ջանքերով կանխվել է Բաքվի կարգադրությամբ Գանձասար վանքի Ս. Հովհաննես Մկրտիչ եկեղեցու պայթեցումը: