ՄԿՐԱՏԻՉ ՃԻՎԱՆՅԱՆ ՀՈՎՀԱՆՆԵՍԻ

Գործունեությունը` Նկարիչ

Բնակավայրը` Հայաստան

Ծնվ. 1848թ., Կ. Պոլիս:
Մահ. 14.02.1906թ., Կ. Պոլիս:

Նկարիչ:

Մասնագիտացել է Կ. Պոլսի Ս. Փրկիչ ազգ. վարժարանում, ապա՝ ֆրանս. նկարիչ Մասոնի մոտ (1871-73), կատարելագործվել Իտալիայում (1876-79):

1894-1905-ին ապրել է Օդեսայում, Ս. Պետերբուրգում:

Ստեղծել է Ոսկեղջյուրի և Բոսֆորի ափերը պատկերող ռոմանտիկ, բնապատկերներ [«Գարուն», «Ալեհույզ ծովը փոթորկից առաջ» (1894), «Ֆեներիի փարոսը», «Լորդ Բայրոնի երազը», «Առավոտը ծովի վրա»]:

Վարպետորեն է վերարտադրել օդի և լույսի համադրումն ու դրանց ելևէջումների նյութականությունը:

1860-ական թթ. Կ. Պոլսում ձևավորել է թատեր, ներկայացումներ, մասնակցել ճարտարապետներ Պալյանների կառուցած շենքերից մի քանիսի ներքին հարդարմանը: