ՅԱՆ ՅԱՍԿԵՎԻՉ (ՀՈՎՀԱՆՆԵՍ ՅԱՇԿԵՎԻՉ)

Գործունեությունը` Բժիշկ, Գիտնական

Բնակավայրը` Լեհաստան

Բժիշկ, քիմիկոս, բնագետ:
Բժշկագիտության դոկտոր (1775):

Ծնվ. 06.07.1749թ., Լվով:
Մահ. 14.11.1809թ., Կրակով:

Ավարտել է Վիեննայի համալսարանի բժշկական ֆակուլտետը (1775),
1782-87-ին՝ Կրակովի կայսերական բարձրագույն դպրոցի պրոֆեսոր:

1780-ին հիմնել է Կրակովի համալսարանի բնագիտության, անատոմիայի և մանկաբարձության ամբիոնները, կլինիկական հիվանդանոց, Կրակովի բուսաբանական այգին:

Լեհաստանում պատրաստված առաջին օդապարիկի (1784) հեղինակն է:

Ուսումնասիրել է Կրակովի շրջանի երկրբանական կառուցվածքը, հիմնել օգտական հանածոների թանգարան,

1789-90-ին ղեկավարել է Լեհաստանի ածխի հանքավայրերի հետախուզական աշխատանքները, կազմել հանքաբան քարտեզներ:

Հեղինակ է «Դրվագներ մետալուրգիայի մասին» (1969, հրատարակել է Լեհաստանի ԳԱ), «Կշեշովիցեի ծծմբաջրերի մասին» (1783), «Կրակի նոր թեորեմը» (1784) գրքերի:

Կրակովի գիտությունների Կայսերական և ֆրանսիայի Թագավորական ակադեմիաների թղթակից անդամ (1782-87), Կրակովի համալսարանի բնագիտական խորհրդի նախագահ (1789-1809):

ՅԱՆ ՅԱՍԿԵՎԻՉի կիսանդրին դրված է Կրակովի համալսարանի պատմության թանգարանում: