ՆԵՐՍԵՍ ԽԱՐԱԽԱՆՅԱՆ

Գործունեությունը` Անասնաբույժ, Կրոնական գործիչ

Բնակավայրը` Հայաստան

Եպիսկոպոս (1908), հայ ազգային-ազատագրական շարժման գործիչ:

Ավազանի անունը՝ Հմայակ:

Ծնվ. 1850թ., գ. Ավրան (Մուշի գավառ):
Մահ. 12.04.1915թ., Մուշ:

Սովորել է Մուշի Ս. Կարապետ վանքի ժառանգավորաց վարժուրանում:
1874-ին ձեռնադրվել է կուսակրոն քահանա, ապա ստացել ծայրագույն վարդապետի աստիճան:
1880-ին՝ Քղիի հոգևոր առաջնորդ:
Ժողովրդին քարոզել է ինքնապաշտպանության գաղափարներ, օժանդակել ազգ-ազատագրական շարժման գործիչներին (Արաբո, Մարգար վարժապետ և ուր.):
1887-ին ընտրվել է Ս. Կարապետ վանքի վանահայր և Տարոնի առաջնորդ:
1893-ին ձերբակալվել է. 2,5 տարի արգելափակվել Բաղեշի բանտում. Կ. Պոլսի պատրիարք Մ. Իզմիրլյանի պահանջով տարվել է Կ. Պոլիս, սակայն 1896-ին նրա հետ աքսորվել է Երուսաղեմ:

Երիտթուրքական հեղաշրջումից (1908) հետո վերադարձել է Տարոն, ցկյանս եղել Տարոնի թեմի առաջնորդ: