ՆԻԿԵՓՈՐՈՍ II ՓՈԿԱՍ

Գործունեությունը` Կայսր

Բնակավայրը` Իտալիա

(մոտ 912-969),

Բյուզանդիայի կայսր 963-ից:

Նիկեփորոս Փոկասի թոռը:

954-ին Կոստանդին VII Ծիրանածնի կողմից նշանակվել է Արևելքի զորքերի սպարապետ:

Բազմաթիվ ճակատամարտերում հաղթել է արաբներին,
961-ին ազատագրել 135 տարի արաբական տիրապետության տակ գտնվող Կրետե կղզին:

Գահ է բարձրացել արեվելյան նահանգների ավագանու և զորքերի աջակցությամբ:

Ուժեղացրել է բանակը, պայքարել եկեղեցու հարստացման դեմ,
Կրետեի նվազած քրիստոնյա բնակչությունն ստվարացնելու նպատակով այնտեղ գաղթեցրել բազմահազար հայերի, որոնց բնակավայրերի անունները՝ Արմենի, Արմենոխոր ևն, պահպանվում են ցայսօր:

Նիկեփորոս II-ի օրոք հայազգի զորավարներ Լևոն Փոկասը (Ն. II-ի եղբայրը), ապագա կայսր Հովհաննես Չմշկիկը (Հովհաննես I Չմշկիկ) և Միքայել Բուրցեսն արաբներից գրավել են Կիլիկիայի բազմաթիվ բնակավայրեր, Անտիոքը, Կիպրոսը ևն: