NUR JAHAN / ՆՈՒՐ ՋԱՀԱՆ

Գործունեությունը` Թագուհի

Բնակավայրը` Հնդկաստան

Նուր Ջահանը (Միհր Ուն Նիսի) ծնվել է Պարսկաստանում հայազգի Իթմիադ ուդդոուլի ընտանիքում:

Ծննդյան տարեթիվը ստույգ հայտնի չէ, այն մոտավորապես 1580-1590-ական թվականներին է համընկնում:

Մինչև ամուսնանալը նրան կոչել են Միհր, Միհր Ուն Նիսի:

1611 թվականին նա ամուսնանում է Մեծ մողոլների տիրակալ Ջա հանգիրի հետ:

Լինելով գեղեցիկ, համարձակ և խելամիտ, նա շահել է շրջապատի սերն ու համակրանքը, նրան անվանել են Նուր, Նուր Ջահան (լույս, աշխարհի լույս):

Զահանի հայրը, եղբայրը ծառայել են Հնդկաստանի կառավարությունում, զբաղեցրել բարձր և պատասխանատու պաշտոններ, սրանք ծառայել են ամենայն ազնվությամբ և նվիրվածությամբ, շահել իշխանավորների, նաև ժողովրդի համակրանքը:

Նուր Զահանի հայրը զբաղեցրել է հնդկական կառավարության գլխավոր նախարարի պաշտոնը, եղբայրը նույն կառավարությունում զբաղեցրել է արքունի գլխավոր կառավարչի չափազանց պատասխանատու պաշտոնը:

Նրան այստեղ անվանում էին Իթիկադ խան (նաև Մսադ խան):

Սրանք, Նուր Զանի անմիջական հավանությամբ, արքունիք էին մտցնում պարսկահայության մշակույթի, խոհանոցի (նաև պարսկական) նիստ ու կացի առանձին տարրեր, որոնք հավանություն էին գտնում արքունիքում:

Նուր Ջահանը մեծ հեղինակություն ուներ նաև ամուսնու, տիրակալ Ջահանգիրի մոտ:

Լինելով բազմակողմանի զարգացած, համարվել է ժամանակի ճանաչված գիտնական:

Ժողովրդի, արքունիքի և ամուսնու հարգանքը արտահայտվել է նրա պատվին ոսկեդրամի հատմամբ: