POL KIRAKOSYAN MANUKI / ՊՈԼ ԿԻՐԱԿՈՍՅԱՆ ՄԱՆՈՒԿԻ

Գործունեությունը` Նկարիչ

Բնակավայրը` Լիբանան

Նկարիչ:

Ծնվ. 1926թ., Երուսաղեմ:
Մահ. 19.11.1993թ., Բեյրութ:

Ավարտել է Երուսաղեմի «Պիետրո Ժակոբետտի» գեղ. ուսումնարանը (1946):
1946-54-ին ստեղծագործել է Բեյրութում,
1954-ին մեկնել է Ֆլորենցիա՝ գեղ. ակադեմիայում կատարելագործվելու:
1961-ից հաստատվել է Բեյրութում:
Ստեղծագործել է դիմանկարի, բնանկարի և թեմատիկ-կոմպոզիցիոն պատկերի բնագավառներում («Արաքսի դիմանկարը», «Այգաբաց», «Քաղաք», «Այց ծննդկանին», «Սպասում», «Ընտանիք» ևն):

Իր կտավներում Կ. արտացոլել է նաև աստանդ, հայության կյանքն ու կենցաղը («Դեր Զոր», «Գաղթ», «Կարպետագործը»), որոնց բնորոշ են հյութեղ երփնագիրը, գույնի նուրբ զգացողությունը:

Ունեցել է անհատական ցուցահանդեսներ՝ Բեյրութում, Ֆլորենցիայում, Փարիզում, Վաշինգտոնում, Երևանում (1972) և այլուր:
Պարգևատրվել է
ՀՆՄ Մարտիրոս Սարյանի անվ. մրցանակով (1981):