ՊՈՂՈՍ ՉՈՒԲԱՐՅԱՆ ԽԱՉԱՏՈՒՐԻ

Գործունեությունը` Հաս-քաղ. գործիչ:

Բնակավայրը` Ադրբեջան

Հաս-քաղաքական գործիչ, իրավաբան:
ՀՀԴ կուսակցության անդամ:

Ծնվ. 1878թ., գ. Թոփթի (այժմ՝ գ. Ղրիմ՝ ՌԴ Ռոստովի մարզի Մյասնիկյան շրջանում):
Մահ. 1920թ., Բաքու:

Ուսանել է Նոր Նախիջևանի հոգևոր սեմինարիայում, Էջմիածնի Գևորգյան ճեմարանում, ապա
ստացել է իրավաբանական կրթություն:

1906-ին՝ որպես Նոր Նախիջևանի հայության պատգամավոր, մասնակցել է Էջմիածնի կալվածքների բռնագրավման դեմ ուղղված Ռուսաստանի հայոց Կենտրոնական ժողովին:

1907-09-ին դասավանդել է Երևանի թեմական դպրոցում:

1909-12-ին բանտարկվել է Լըժինի (Նովոչերկասկի քննիչ) կամ «դաշնակցության դատավարության պրոցես» կոչված գործով:

1912-16-ին եղել է երդվյալ հավատարմատարի օգնական Բաքվի նահանգում,
1917-ին՝ երդվյալ հավատարմատար:

Ադրբեջանի Հանրապետության (1918-20) մեջլիսի պատգամավոր,
Ղարաբաղի հայությանն ահաբեկելու նպատակով իրագործված Ղայբալի գյուղի (այժմ՝ ԼՂՀ Շուշիի շրջանում) կոտորածն ուսումնասիրող պատգամավոր, խմբի պատասխանատու:

Ադրբեջանի խորհրդայնացման օրերին բոլշևիկները գնդակահարել են ՊՈՂՈՍ ՉՈՒԲԱՐՅԱՆին: