JIVAN LUSINYAN / ՋԻՎԱՆ ԼՈՒՍԻՆՅԱՆ

Գործունեությունը` Պետական գործիչ

Բնակավայրը` Հայաստան

Նույն ինքը՝ Ճուան Լուսինյան, Կոստանդին Բ

Ծննդյան թիվն անհայտ է:
Մահ. 1344թ., Կիլիկյան Հայաստանի պայլ 1330-ից:

Լևոն 9-ի դուստր Զաբելի և Կիպրոսի Ամորի II Լուսինյան թագավորի որդին:

Հաջորդել է 1329-ին նենգորեն սպանված Օշին պայլին:

Այնուհետև Լուսինյակներն ազդեցիկ դեր են խաղացել Լևոն Ե-ի արքունիքում:

Լևոն Ե-ի առեղծվածային մահից (1342) հետո, երբ ուղիղ գծով սպառվել է Հեթումյան արքայատոհմը, ունիթորների կուս-յան պարագլուխ ՋԻՎԱՆ ԼՈՒՍԻՆՅԱՆը Հայոց գահը հանձնել է եղբորը՝ Գվիդոն (Կի) Լուսինյանին, և մինչև վերջինիս ժամանումը (1344) ճանաչվել է թագապահ:

Սպանվել է Ադանայում՝ Օշին Բակուրան իշխանի գլխավորած ապստամբության ժամանակ:

ՋԻՎԱՆ ԼՈՒՍԻՆՅԱՆի կինը և դեռահաս որդիները փախել են Կիպրոս:

Ավագ որդուն՝ Լևոն Զ-ին, ունիթորները 1374թ-ին հռչակել են թագավոր: