ՌՈՋԵՐ ՕՀԱՆԵՍՅԱՆ ՎԱՀՐԱՄԻ

Գործունեությունը` Բժիշկ

Բնակավայրը` ԱՄՆ

Հղումներ` www.harvardeye.com

Ակնաբան, միկրովիրաբույժ:
Բժշկագիտության դ-ր (1966):

Ծնվ. 22.04.1940թ., Բոստոն (ԱՄՆ-ի Մասսաչուսեթս նահանգ):

Ավարտել է Վերմոնտի (Բեռլինգտոն) համալսարանի բժշկական ֆակուլտետը (1966):

1970-73- ին կատարելագործվել է Հարվարդի համալսարանի բժշկական ֆակուլտետում, Բոստոնի աչքի և ականջի հիվանդանոցում:

1982-ից աշխատում է Կալիֆոռնիայի համալսարանի (Ըրվայն),
1987-ից՝ Սաութ Օրընջ Քաունթիի ակնաբուժական կենտրոններում:

Աշխատանքները վերաբերում են աչքի հիվանդությունների ախտորոշման և բուժման եղանակների մշակմանն ու կատարելագործմանը:

ՌՈՋԵՐ ՕՀԱՆԵՍՅԱՆը 1992-ին ԱՄՆ-ում հիմնել է «Հայկական ակնաբուժական նախագիծ» (ՀԱՆ) բարեգործական կազմակերպությունը, որի հիմնական առաքելությունն է ձեռքբերովի կուրության կանխարգելումը ՀՀ-ում:

ՌՈՋԵՐ ՕՀԱՆԵՍՅԱՆի նախաձեռնությամբ ՀԱՆ-ը Հայաստանին տրամադրել է ակնաբուժական սարքավորումներ և բուժպարագաներ, ֆինանսավորել հայ ակնաբույժների վերապատրաստումը ԱՄՆ-ի լավագույն կլինիկաներում, ակնաբանական կենտրոններում հիմնադրել և կահավորել է մասնագիտացված բաժանմունքներ, իրականացրել բժշկական 28 առաքելություն՝ ԱՍՆ-ից Հայաստան:

2003-ին ՀԱՆ-ը սկսել է իր յոթնամյա «Լույս հայի աչքերին» ծրագիրը:

Սկսած 2004-ից՝ ՀԱՆ-ը ԱՄՆ-ի Միջազգային զարգացման գործակալության դրամաշնորհով իրականացնում է «Առաջնային և ակնաբուժական ծառայությունների դաշինք» եռամյա ծրագիրը:

Համահեղինակ է աչքի հիվանդությունների ուսումնամեթոդական ձեռնարկների (հայ., ռուս., անգլ.):
Կալիֆոռնիայի համալսարանի պատվավոր պրոֆ. (1991),

Ամերիկայի վիրաբուժների ակադեմիայի, Վիրաբույժների խորհրդի, Հայ-ամերիկյան բժշկ. միության և մի շարք այլ բժշկական ընկերությունների անդամ:

Տարվա բարեգործ (Կալիֆոռնիա, 2002),
ԱՄՆ-ի էլիս կղզու շքանշան (2004):