ՌՈՒԲԵՆ (Ռայմունդ)

Գործունեությունը` Իշխան

Բնակավայրը` Հայաստան

Կամ՝
Անտիոքի դքսության (1197/1198-ից) և Կիլիկիայի հայկական թագավորության գահաժառանգ իշխան:

Ծնվ. մոտ 1195թ.:
Մահ. 1220թ.:

Անտիոքի իշխանությունը Կիլիկյան Հայաստանին միացնելու և Մերձավոր Արևելքում քրիստոնեական հզոր պետություն ստեղծելու նպատակով ՌՈՒԲԵՆին որդեգրել և իր թագաժառանգն է հռչակել նաև Լևոն Բ Մեծագործը:

ՌՈՒԲԵՆի իրավունքները պաշտոնապես ճանաչել են նաև Հռոմի պապը, Գերմանիայի կայսրը, Անտիոքի պատրիարք Պետրոս 1-ը:

Անտիոքի դքսության գահին ՌՈՒԲԵՆի հաստատմանը խանգարել են Հալեպի ամիրայությունը, Իկոնիայի սուլթանությունը, քանիցս գահը հափշտակել է Տրիպոլսի դուքսը:

ՌՈՒԲԵՆը ամեն անգամ գահին վերահաստատվել է հայկական զորքերի միջամտությամբ: Ի վերջո տապալվել է (1219) Անտիոքի խաչակիրների կողմից:

ՌՈՒԲԵՆի ապաշնորհությունից հիասթափված՝ Լևոն Բ զրկել է նրան Հայոց գահաժառանգի իրավունքից՝ այն վերապահելով իր մանկահասակ դուստր Զաբելին:

Լևոն Բ-ի մահից հետո Մսիսում ապաստանած ՌՈՒԲԵՆը փորձել է գրավել Հայոց գահը, սակայն Կոստանդին սպարապետը նրան ձերբակալել և նետել է Տարսոնի բանտը, որտեղ էլ շուտով մահացել է: