ՌՈՒՍՏԱՄ

Գործունեությունը` Զինվորական գործիչ

Բնակավայրը` Ֆրանսիա

Հղումներ` hy.wikipedia.org

Նույն ինքը՝ Ռոստոմ Խաչատուրյան Հովնանի
Հայտնի է նաև՝ Ռուստամ Ռագա, Մելիք Ռուստամ անուններով:

Ծնվ. 1780թ., Թիֆլիս:
Մահ. 1845թ., ք. Ղուրդան (Ֆրանսիա):

7 տարեկանում գերել են թաթարները, վաճառել ստրկության, այնուհետև հայտնվել է Եգիպտոսում, դարձել մամլուք:
Կահիրեում ծառայել է շեյխ Ալ Բաքիի մոտ, որը ՌՈՒՍՏԱՄին նվիրել է Նապոլեոնին:
ՌՈՒՍՏԱՄը Նապոլեոնին ուղեկցել է նրա բոլոր արշավանքների ժամանակ:
16 տարի անձնուրաց ծառայել է կայսրին և վայելել նրա վստահությունը:
1814թ-ից (երբ Նապոլեոնը աքսորվել է Էլբա կղզի) հետո ՌՈՒՍՏԱՄը հեռացել է Ֆրանսիայից, անցել Թեհրան, այնտեղից՝ Թիֆլիս:
Մասնակցել է 1826-28-ի ռուս-պարսկական պատերազմին (եղել է հեծյալ ջոկատի հրամանատար), այնուհետև բնակվել է Շուշիում:
1840թ-ին վերստին հայտնվել է Ֆրանսիայում՝ Նապոլեոնի աճյունը Ս. Հեղինե կղզուց Փարիզ ուղեկցող սգո թափորի մեջ:
Բնակվել է Դուրդանում (ընտանիքի հետ), որտեղ գրել է «Նապոլեոն I-ի մամլուք Ռուստամի հուշերը» (ֆրանս., 1866), որն օգտագործել են Նապոլեոնի կենսագիրները:
ՌՈՒՍՏԱՄի տապանաքարին գրված է՝ «Աստ հանգչում է աճյունը Նապոլեոն կայսեր նախկին մամլուք Ռուստամ Ռազի, որ ծնվել է Վրաստանում...»:

Երկեր.
Իմ կյանքը Նապոլեոնի հետ: Հայազգի մամլուք Ռուստամի ճշմարտապատում հուշերը (թրգմ. ֆր.՝ Գ. Ջանիկյան), Ե., 1997: