ՌՍՏԱԿԵՍ

Գործունեությունը` Մանրանկարիչ

Բնակավայրը` Հայաստան

XIV դ. 2-րդ կեսի մանրանկարիչ և գրիչ:

Ծննդյան և մահվան թվերն անհայտ են:

Ապրել և ստեղծագործել է Վասպուրականում:
1397-ին Խիզանում ՌՍՏԱԿԵՍի ընդօրինակած և նկարազարդած Ավետարանը (Մատենադարան, ձեռ. № 7629) ունի 20 տերունական, 4 ավետարանիչների պատկերներ, 10 խորան:
ՌՍՏԱԿԵՍի պատկերագրությունը բացառիկ ինքնատիպ է, որոշակիորեն շեղված պատկերման կանոնական ձևերից, գրաֆիկական գծաոճավորումը երբեմն հասնում է մաներայնության, վերաճում ինքնակա նախշազարդերի:
ՌՍՏԱԿԵՍի զարդանկարչական մտածողությունն արտահայտվել է բուսական բարդ հորինվածքներով թեմատիկ պատկերներում, լուսանցազարդերում, որոնցից շատերն առնչվում են Աղթամարի Ս. Խաչ եկեղեցու ռելիեֆներին: