ՍԱՐԳԻՍ ԹԵՈԴՈՐՅԱՆ ՍԱՀԱԿԻ

Գործունեությունը` Կրոնական գործիչ

Բնակավայրը` Ֆրանսիա

Եկեղեցական, հասարակական գործիչ, վարդապետ:

Ծնվ. 1783թ., Բաղեշ:
Մահ. 03.06.1877թ., Փարիզ:

1817-20-ին ու 1824-35-ին Վենետիկի Մխիթարյան միաբանության անունից Հնդկաստանում բանակցություններ է վարել՝ հնդկահայ մեծահարուստներ Ռ. Ղահրամանյանի ու Ա. Մուրադյանի կտակները ձեռք բերելու համար:
Հաջողությամբ ավարտելով իր առաքելությունը՝ 1836-ին նշանակվել է Վենետիկում բացված Ռափայելյան վարժարանի (1838-ից՝ նաև Մուրադյան վարժարանի) տեսուչ:
1846-ին Մուրադյան վարժարանի հետ տեղափոխվել է Փարիզ:
Պայքարել է Կ. Պոլսի հայ կաթոլիկների համայնապետ Ա. Հասունյանի դեմ և այդ պատճառով 1855-ին վտարվել Մուրադյան վարժարանից:
Նույն թվականին Գ. Այվազովսկու և Ա. Գալֆայանի հետ Փարիզում հիմնել է Հայկազյան վարժարանը: