ՍԱՐԳԻՍ ՃԵՊԵՃՅԱՆ ՃԵՊՃԵՊԻ

Գործունեությունը` Հայ ազգային-ազատագրական շարժման գործիչ

Բնակավայրը` Հայաստան

Ծնվ. 1864թ., գ. Ուզունլու (Թուրքիայի Յոզղատի գավառ):
Մահ. 1920թ., Հաճն (Լեռնային Կիլիկիա):

1914-ի վերջին զորակոչվել է թուրքական բանակ և ուղարկվել Կովկասյան ռազմաճակատ:

Երբ սկսվել են հայ զինվորների նկատմամբ թուրքական հալածանքներն ու նրանց զանգվածային բնաջնջումը, Ճեպճեպյանը փախել է բանակից, անցել ռազմաճակատի գիծը:

Անդրանիկի գլխավորած կամավոր, ջոկատի կազմում մասնակցել է բազմաթիվ մարտերի:

1919-ի սկզբին մեկնել է Կ.Պոլիս, այնտեղից՝ Կիլիկիա:

1920-ին նշանակվել է Հաճնի ինքնապաշտպան, ուժերի հրամանատար:

1920-ի մարտին թուրքական 20 հազարանոց բանակը պաշարել է Հաճնը: Ճեպճեպյանը մարտում ծանր վիրավորվել է և, խուսափելով գերի ընկնելուց, ինքնասպան է եղել:

Գրականություն
Թորոսյան Շ. Կիլիկիայի հայերի ինքնապաշտպանությունը (1919-1921), Ե. 1980: