SEDA AMIR-KARAYAN / ՍԵԴԱ ԱՄԻՐ-ԿԱՐԱՅԱՆ

Գործունեությունը` Երգիչ

Բնակավայրը` Հայաստան

Հղումներ` thevoiceofarmenia.com

Ծնվ. 9.10.1982թ., Երևանում:
Ավարտել է Երեվանի Կոմիտասի անվ. պետ. կոնսերվատորիայի երաժշտագիտության մագիստրատուրան:
Մասնագիտացման խորացումը անց է կացրել անվանի երաժշտագետ, պրոֆեսոր Մհեր Նավոյանի դասարանում` որպես հայ միջնադարյան հոգեվոր երաժշտության հարցերով հետաքրքրված միջնադարագետ երաժշտագետ:

Երգչուհու` Հայ շարականագիտության անալիտիկ հարցերին նվիրված դիպլոմային աշխատանքը ընդունվել է որպես ուշագրավ աշխատություն մագիստրատուրայի ավարտական քննական հանձնաժողովի կողմից` արժանանալով բարձրագույն գնահատականի:

Չնայած իր դեռևս երիտասարդ տարիքին, նա վաղուց արդեն աշխարհի տարբեր երկրներում բեմեր նվաճած և մեծ ճանաչում ունեցող երգչուհի է:
Այդ են վկայում ԱՄՆում, Կանադայում, Եվրոպայում, Միջին Արևելքում, Ռուսաստանում և այլուր մեծ ընդունելության արժանացած իր փայլուն ելույթները, որտեղ Սեդա Ամիր-Կարայանը մշտապես ընկերակցել է իր ուսուցչին` անվանի հեղինակ Ռոբերտ Ամիրխանյանին, մասնակցելով նրա մենահամերգներին` իբրև իր երգերի անզուգական մենակատար:

Կոնսերվատորիայի իր ուսումնառության և համերգային ելույթներին զուգահեռ նա մասնակցում է նաև Սուրբ Գեղարդավանքի կիրակնորյա պատարագի երգեցողությանը, որպես երգչախմբի անդամ և մեներգիչուհի:

Ներկայումս Սեդա Ամիր-Կարայանը պատրաստվում է ուսումը շարունակել Գերմանիայում` որպես դասական ժանրի երգչուհի:

2011 ամռանը մեծ հաջողությամբ անց է կացրել Շտուտգարտի Կոնսերվատորիայի մեներգեցողության բաժնի ընդունելության քննությունները և արդեն իսկ առաջարկ ունի ս/թ դեկտեմբերի 4-ին Հայդենհայմի սիմֆոնիկ նվագախմբի և երգչախմբի հետ, որպես մենակատար մասնակցելու Գ.Ֆ. Հենդելի “Մեսիա” ստեղծագործության համերգային կատարմանը:

ՕՏԱՐԵՐԿՐՅԱ ՄԱՄՈՒԼԸ ՍԵԴԱԻ ՄԱՍԻՆ
Սեդա Ամիր-Կարայան
Սեդա Ամիր-Կարայան 2