ՍՄԲԱՏ ԲՈՐՈՅԱՆ ԳՐԻԳՈՐԻ - ՄԱԽԼՈՒՏՈ

Գործունեությունը` Ազգային-ազատագրական շարժման գործիչ, Ֆիդայի

Բնակավայրը` Հայաստան

Հղումներ` hy.wikipedia.org

Ծնվ. 1881թ., Մուշ:
Մահ. 1956թ., Երևան: Թաղված է Էջմիածնի Ս. Գայանե եկեղեցու բակում:

Հայ ազգային-ազատագրական շարժման գործիչ, ֆիդայի:

ՀՀԴ կուսակցության անդամ:

Սովորել է ծննդավայրի վարժարանում:
Գործունեությունն սկսել է 1900-ից՝ «Երկաթ» խմբի կազմում:
Գործակցել է Անդրանիկի, Հրայրի հետ:
Սպանել է Աղբյուր Սերոբին մատնողներից մեկին:
1901-ին մասնակցել է Ս. Առաքելոց վանքի կռվին:
1904-ի Սասունի ապստամբության ղեկավարներից (Գևորգ Չավուշի հետ գլխավորել է Իշխանձորի մարտերը):
Ապստամբության պարտությունից հետո անցել է Վան, ապա՝ Կովկաս, մասնակցել հայ-թաթարական
ընդհարումներին,
գլխավորել Ղամարլուի մարտերը:
1905-11-ի Իրանական հեղափոխության ժամանակ կռվել է Ուրմիայի շրջանում:
1908-ի երիտթուրքական հեղաշրջումից հետո գործել է Մուշում:
Առաջին աշխարհամարտում (1914-18)՝ 1-ին կամավորական ջոկատի (հրամանատար՝ Անդրանիկ) փոխհրամանատար:
1918-ին կռվել է Զանգեզուրում:
1921-ի փետրվարյան ապստամբության ժամանակ. Թալինից և Աշտարակից Երևան շարժվող ուժերի հրամանատարն էր:
Դարալագյազում համագործակցել է Գ. Նժդեհի հետ, ապա նահանջող ուժերի հետ անցել Պարսկաստան, հետո՝ Փարիզ:
1947-ին հայրենադարձվել է, ապրել և աշխատել է Երևանում:
ՍՄԲԱՏ ԲՈՐՈՅԱՆի անունով Երևանում կա փողոց:

Գրակ.
Ղարիբջանյան Գ., Տարոնի արծիվը [Սմբատ Բորոյան (Մախլուտո)], Ե., 1996: