SUREN ARAQELYAN SMBATI / ՍՈՒՐԵՆ ԱՌԱՔԵԼՅԱՆ ՍՄԲԱՏԻ

Գործունեությունը` Խորհրդային Միության հերոս

Բնակավայրը` Հայաստան

Հղումներ` www.mayrhayastan.am
ru.wikipedia.org

Խորհրդային Միության հերոս (16.05.1944, հետմահու), ավագ սերժանտ:

Ծնվ. 08.11.1911թ., գ. Տաթև (այժմ՝ ՀՀ Սյունիքի մարզում):
Մահ. 18.09.1943թ., գ. Կուրբատսկայա՝ ՌԴ Նովոռոսիյսկի շրջան:

Սկզբնական կրթությունը ստացել է գյուղի դպրոցում:

Հայրենական պատերազմի (1941-45) ժամանակ մարտնչել է 89-րդ Հայկական հրաձգային դիվիզիայի կազմում:

Հերոսի կոչման արժանացել է Նովոռոսիյսկի մերձակա Կուրբատսկայա բնակավայրի ազատագրման մարտերում ցուցաբերած խիզախության և անձնազոհության համար (կրծքով ծածկել է թշնամու գնդացրի հրակնատը):

* * * *

Հայրենական պատերազմի առաջին ամիսներին զորակոչվել է Խորհրդային բանակ: Հայկական 89-րդ դիվիզիայի 526-րդ հրաձգային գնդում Սուրեն Առաքելյանը մասնակցել է Կովկասում մղված մարտերին:


1943թ. սեպտեմբերին համառ արյունահեղ մարտեր էին մղվում Նովոռոսիյսկի ուղղությամբ: Ավագ սերժանտ Սուրեն Առաքելյանը ջոկը համարձակորեն մարտի է տանում զորամասի առջևում: Վիրավորվում է դասակի հրամանատարը: Ս. Առաքելյանը դասակի հրամանատարությունը վերցնում է իր վրա և մարտի տանում զինվորներին: Թշնամին բարձունքից կրակի տակ է առել և ստեղծել ուժեղ կրակային գիծ: Մարտական առաջադրանքներ էր տրված գրավել բարձունքը: Ս. Առաքելյանը իր դասակի մարտիկների առջևից գրոհում է դեպի բարձունքը: Առաքելյանը սողալով մոտենում է թշնամու դզօտին, երկու նռնակ նետում և լռեցնում կրակակետը: Դասակի մարտիկները զոհվում են: Սակայն աջ թևից գերմանացիները գնդացրային կրակ են բացում դզօտից: Սուրեն Առաքելյանը անմիջապես որոշում է խափանել այն և նետվում է դեպի դզօտի հրակնատը: Արիասիրտ մարտիկները ձեռնամարտի են բռնվում և ոչնչացնում ֆաշիստներին: Սուրեն Առաքելյանը հերոսաբար զոհվում է: Բարձրունքի վրա երևում է կարմիր դրոշը: Բարձրունքը գրավված է, մարտական առաջադրանքը կատարված է և ապահովված է գնդի մարտիկների առաջխաղացումը: Սուրեն Առաքելյանի սխրանքը արագորեն տարածվեց զորամասից զորամաս: Քաջազուն սյունեցին փակելով գնդացրի հրակնատը կյանքի գնով հաղթանակի ուղի հարթեց զորամասի համար:

Հետմահու Սուրեն Առաքելյանին շնորհվեց Խորհրդային միության հերոսի կոչում:

ՍՍՌՄ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ

ՀՐԱՄԱՆԱԳԻՐԸ

Կարմիր բանակի գեներալներին, սպայական, սերժանտական և շարքային կազմին ԽՈՐՀՐԴԱՅԻՆ ՄԻՈՒԹՅԱՆ ՀԵՐՈՍԻ կոչում շնորհելու մասին:

Գերմանական զավթիչների դեմ մղվող պայքարի ճակատում հրամանատարության մարտական առաջադրանքները օրինակելիորեն կատարելու և այդ ժամանակ ցուցաբերած խիզախության ու հերոսության համար, շնորհել ԽՈՐՀՐԴԱՅԻՆ ՄԻՈՒԹՅԱՆ ՀԵՐՈՍԻ կոչում, հանձնելով «ԼԵՆԻՆԻ» շքանշան և «Ոսկե աստղ» մեդալ.

7. Ավագ սերժանտՍՈՒՐԵՆ ՍՄԲԱՏԻ ԱՌԱՔԵԼՅԱՆԻՆ

ՍՍՌՄ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ ՆԱԽԱԳԱՀ`

Մ. ԿԱԼԻՆԻՆ

ՍՍՌՄ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ ՔԱՐՏՈՒՂԱՐ`

Ա. ԳՈՐԿԻՆ

Մոսկվա, Կրեմլ, 16 մայիսի 1944 թ.

Նյութն արտատպված է՝ syunik.wordpress.com-ից