ՍՏԵՓԱՆ ԼԻՍԻՑՅԱՆ ԴԱՆԻԵԼԻ

Գործունեությունը` Ազգագրագետ

Բնակավայրը` Հայաստան

Հղումներ` hpj.asj-oa.am
hy.wikipedia.org
www.ysu.am

Ազգագրագետ, հասարակական գործիչ, պատմաբան, աշխարհագրագետ, բանասեր, մանկավարժ, թարգմանիչ, հրատարակիչ:
Պրոֆ. (1941):
ՀԽՍՀ գիտ. վաստ. գործիչ 1945):

Ծնվ. 23.09.1865թ., Թիֆլիս:
Մահ. 04.01.1947թ., Երևան:

Կ.Բ. Լիսիցյանի ամուսինը, Լ.Ս., ՄԱ. և Ն.Ա. Լիսիցիանների հայրը:

Ավարտել է Թիֆլիսի արական գիմնազիան (1884), Վարշավայի համալսարանի պատմաբանասիրական ֆակուլտետը (1889):

1889-91-ին դասավանդել է Գևորգյան ճեմարանում,
1894-1915-ին՝ Ներսիսյան դպրոցում:

1904-ին և 1910-11-ին ուսումնասիրել է Վիեննայի Մխիթարյանների գրադարանում, Բեռլինի և եվրոպայի այլ քաղաքների թանգարաններում եղած հայագիտական նյութերը:

1892-1903-ին եղել է Թիֆլիսի հայոց հրատարակչական ընկերության խմբագրության անդամ և քարտուղար,
1898-1921-ին՝ Թիֆլիսի Կատարինե Լիսիցյանի հայկական տարրական երկսեռ դպրոցի (1911-ից՝ գիմնազիա, 1921-ից՝ տեխնիկում) ուսուցիչ և տնօրեն:

1892-98-ին աշխատակցել է «Աղբյուր» և «Տարազ» հանդեսներին:

Հիմնադրել, խմբագրել և հրատարակել է (1905-17, 1922) «Հասկեր» մանկական ամսագիրը:

Հ. Թումանյանի ու Լ. Շանթի հետ կազմել և հրատարակել է «Լուսաբեր» մայրենի լեզվի դասագիրքը (Թիֆլիսում, Կ. Պոլսում):

1924-ից աշխատել է ՀԽՍՀ լուսժողկոմատի մեթոդաբանական բյուրոյում,
1925-28-ին՝ Հայաստանի կենտրոնական գավառագիտական բյուրոյի ղեկավար,
1938-43-ին դասավանդել է ՀՊՄԻ-ում,
1924-47-ին՝ ԵՊՀ-ում (1940-ից՝ աշխարհագրական ֆակուլտետի ֆիզիկական աշխարհագրության ամբիոնի վարիչ):
1928-47-ին ղեկավարել է ՀՊՊԹ ազգագրության բաժինը:

Կազմակերպել է գիտական արշավախմբեր, գրառել ազգագրական նյութեր, ձեռք բերել թանգարանային ավելի քան 1000 ցուցանմուշ:

Ազգագրական աշխատանքները կանոնավորելու և գիտական հիմքերի վրա դնելու նպատակով կազմել ու հրատարակել է «Ազգագրական հարցարանը» (1946):

Հրատարակել է «ՀԽՍՀ ֆիզիկական աշխարհագրություն, դեմոգրաֆիայով» (1940) աշխատությունը, գրել մենագրություն Հայկական լեռնաշխարհի ֆիզիկաաշխարհագրական պայմանների մասին (ձեռագիր):

Հայկական աշխարհագրական ընկերության հիմնադիրներից և նախագահի տեղակալ (1937-39-ին):

Նրա անունով են կոչվել ՀՊՊԹ ազգագրության բաժինը և Երևանի № 34 միջն. դպրոցը, որտեղ տեղադրված է ՍՏԵՓԱՆ ԼԻՍԻՑՅԱՆի դիմաքանդակը:

Երկեր.
Զանգեզուրի հայերը, Ե., 1969:
Ծաղկաքաղ, Ե., 1969:
Լեռնային Ղարւսբաղի հայերը:
Ազգագրական ակնարկ, «Հայ ազգագրություն և բանահյուսություն », պր. 12, Ե., 1981:
Հայրենի առասպելներից և վեպերից, Ե., 1995:

Գրակ.
Ստեփան Դանիելի Լիսիցյան, Ե., 1987 (Նյութեր Հայկական ՍԱՀ գիտնականների կենսամատենագիտության, №41):
Մարտիրոսյան Հ.Մ., Ստեփան Լիսիցյանը մանկավարժ, Ե., 1989:
Варданян Л.М., Степан Лисициан и истоки армянской этнографии, Е., 2005.