ՕԼԳԱ ՄԱՅՍՈՒՐՅԱՆ (ՓՈՒՂԻՆՅԱՆ) ՄԻՔԱՅԵԼԻ

Գործունեությունը` Դերասան

Բնակավայրը` Վրաստան

Հղումներ` hy.wikipedia.org

Դերասանուհի:
ՎԽՍՀ վաստ. արտիստ (1930):

Ծնվ․ 07.03.1871թ․, Թիֆլիս։
Մահ․ 03.06.1931թ․, Թիֆլիս։

Բեմելը՝ 1895-ին, Թիֆլիսում, ապա՝ Բաքվի հայկ. թատրոնի դերասանուհի:
Հայկ. թատերախմբերի հետ հանդես է եկել Ռուսաստանի, Արմ. Հայաստանի հայաշատ քաղաքներում: Իր արվեստի խորությամբ, վարպետությամբ, գաղափար. հագեցվածությամբ ռեալիստ, խաղաոճով ՕԼԳԱ ՄԱՅՍՈՒՐՅԱՆը դարձել է ժամանակի հայ թատրոնի անհատականություններից:

Խաղացել է շուրջ 100 դեր՝ Զեյնաբ (Յուժին-Սումբատովի «Դավաճանություն »), Մարգարիտ (Շիրվանզադեի «Պատվի համար»), Կրուչինինա (Ա. Օստրովսկու «Անմեղ մեղավորներ»), Օֆելյա, Լեդի Մակբեթ (Շեքսպիրի «Համլետ», «Մակբեթ»), Ամալյա (Շիլլերի «Ավազակներ») ևն:

Ասմունքել է հայկական և ռուսական լեզուներով:

ՕԼԳԱ ՄԱՅՍՈՒՐՅԱՆը Թիֆլիսի Հայ-պետդրամայի հիմնադիրներից էր, որտեղ ստեղծագործել է մինչև կյանքի վերջը: