ONNIK AVETISYAN HAKOBI / ՕՆՆԻԿ ԱՎԵՏԻՍՅԱՆ ՀԱԿՈԲԻ

Գործունեությունը` Նկարիչ

Բնակավայրը` Եգիպտոս

Նկարիչ, արվեստաբան, մանկավարժ:

Ծնվ. 20.11.1898թ., Բրուսա (Թուրքիա):
Մահ. 1974թ., Կահիրե:

Սովորել է Վիեննայի «Գրաֆիկ արվեստի դպրոցում» (1921-24), ավարտել Հռոմի գեղարվեսի ակադ. (1927):
1929-34-ին դասավանդել է Կահիրեի Նուպարյան ազգային և Պերպերյան վարժարաններում,
1936-41-ին' Կիպրոսի Մելգոնյան կրթ. հաստատությունում:

Ստեղծագործել է օֆորտի, ապա՝ գեղանկարչության բնագավառում:
ՕՆՆԻԿ ԱՎԵՏԻՍՅԱՆի երփնագրերը («Մկրտություն», 1942, Երուսաղեմի հայոց պատրիարքարան, «Սուգ», 1945, Կահիրեի արդի արվեստի թանգարան, «Եղերամայրեր», 1946, ՀԱՊ, «Աքսորյալներ», 1963, Անթիլիասի կաթողիկոսարան) աչքի են ընկնում ընդգծված ծավալներով, գծանկարի ամուր կառուցվածքով:

1965-67-ին ՕՆՆԻԿ ԱՎԵՏԻՍՅԱՆը նկարել է նաև. Բեյրութի Ս. Նշան տաճարի համար:

Զբաղվել է հայկական տպագրատառերի բարելավմամբ, հրատարակել «Փորձ մը հայ տպագրական տառերու բարեփոխութեան և արդիականացման» (1946) գիրքը, որն արժանացել է ՀԽՍՀ-ում հայտարարված հատուկ մրցանակի:

Հեղինակ է «Հայ նկարիչներ և քանդակագործներ» (1959, ֆրանս.) գրքի: