Ջեմալ Փաշայի թոռը Հայոց ցեղասպանության մասին գիրք կթողարկի

Հայոց Ցեղասպանության հիմնական պատասխանատուներից մեկի՝ Ջեմալ Փաշայի թոռը՝ Հասան Ջեմալը, ցեղասպանության մասին գիրք լույս կընծայի: Այս մասին հայտնում է լրագրող Յավուզ Բայդարը Twitter-ի իր էջում:

Բայդարը տասնամյակների աշխատանքային փորձով լրագրող է, քաղաքական սյուն է վարում թուրքական Today's Zaman-ում:

Իր հայտարարության մեջ նա ասում է, որ «Հասան Ջեմալը նոր գիրք է թողարկում՝ «1915. Հայոց Ցեղասպանություն» վերնագրով. նոր համարձակ գիրք Հասան Ջեմալի՝ Ջեմալ Փաշայի թոռան կողմից, դուրս կգա Թուրքիայում»,- գրել է նա:

Ուշագրավ է, որ Հասան Ջեմալի մասին Ցեղասպանության համատեքստում խոսվում է նաև 2011-ին Օքսֆորդի համալսարանի հրապարակած «Ցեղասպանության հարց» գրքում. նրան, մասնավորապես, շնորհակալություն է հայտնվում ցուցաբերված աջակցության համար:

Հասան Ջեմալը լրագրող է, Milliyet-ի հոդվածագիրներից է: Անցած տարի մարտին մասնացել է ՀԲԸՄ-ի «Դեր Զորից Ծիծեռնակաբերդ» միջոցառմանը Լոս Անջելեսում: 2008-ին այցելել է Ծիծեռնակաբերդի հուշահամալիր: Հանդիպել է Արմեն Գևորգյանին՝ այն մարդկանցից մեկի թոռանը, որը 1922-ին գնդակահարել էր Ջեմալ Փաշային: 1922-ին Թիֆլիսում նրան գնդակահարել էին Պետրոս Տեր-Պողոսյանը և Արտաշես Գևորգյանը:


Ջեմալ կրտսերը հայտնի է դիրքորոշմամբ, որը ձևակերպել է այսպես. «Հայոց Ցեղասպանությունը մերժելը հավասարազոր է մարդկության դեմ այդ ոճրագործությանը հանցակից լինելուն»:

Լուրեր Հայաստանից - Թերթ.am