Սահակաշվիլի. Եթե դուք չեք հանդուրժում հայերին, ապա ես հայ եմ

Մայիս 25, 2012 | 16:10
Հայրենասիրությունն ու երկրում բոլոր էթնիկ խմբերի իրավահավասար կեցությունը ապահովում է Վրաստանի հաջողությունը, կարծում է Վրաստանի նախագահ Միխայիլ Սահակաշվիլին:

«Մարդիկ, որոնք մեր երկրում հանդես են գալիս որոշակի խմբերի դեմ, որպես կանոն լավ ֆինանսավորվում են տարբեր երկրներից:

Նրանք լավ ֆինանսավորում ունեն»,- ասել է Սահակաշվիլին ԱՄՆ-ում` Ռեյգանի հիմնադրամում կայացած միջոցառմանը:

Նրա խոսքով, հաջողությունը պայմանավորված է հենց նրանով, որ վրացի ժողովուրդը հարգում է բոլոր ժողովուրդներին:

Տեղեկություն է տարածվել, թե Սահակաշվիլին հայ է, հրեա, կաթոլիկ: Դրան մի պատասխան ունեմ, եթե չեք հանդուրժում ադրբեջանցիներին, ես ադրբեջանցի եմ, եթե հայերին` ես հայ եմ, եթե չեք սիրում հրեաներին, ուրեմն ինձնից ավելի մեծ հրեա չեք կարող գտնել: Սա իմ հայրենասիրությունն է, սա ապահովում է Վրաստանի հաջողությունը, քանի որ մենք կարողացել ենք միավորել այդ խմբերին»,- ասել է նախագահը:


Լուրեր Հայաստանից - NEWS.am http://news.am/arm/news/106926.html