The Wall Street Journal. Սիրիահայերի նոր տեղահանությունը 1915-ից հետո

«Սիրիայում տեղի ունեցող պատերազմը լարվածություն է առաջ բերել նաեւ հարյուրավոր կիլոմետրեր հեռու գտնվող քրիստոնեական երկրում՝ Հայաստանում:

Հայերը, որոնք փախել են հիմնականում Հալեպից՝ Սիրիայի առեւտրային կենտրոնից, հանդիպման վայր են ընտրել Հայաստանի մայրաքաղաքի փոշոտ փողոցները՝ խորհրդային շրջանի բազմաբնակարան շենքերի միջեւ: Երեւանի Գլինկայի փողոցում տասնյակից ավելի մետաղագործական եւ ավտոսարքավորումների արհեստանոցներ կան, որտեղ սիրիահայ տղամարդկիկ հավաքվում են, որպեսզի աշխատանք գտնեն, միասին թեյեն եւ իրար պատմեն վերջին նորությունները Սիրիայում մնացած իրենց հարզատների ու ընկերների մասին:

Շուրջ 6 հազար սիրիահայեր փախել են երկրից, որը հիշեցնում է 100 տարի առաջ, 1915-ին Օսմանյան կայսրությունում հայերի ցեղասպանության ժամանակ զանգվածային գաղթը: Թեեւ ներկայումս փախստականների հոսքը դեպի Հայաստան փոքր է, սակայն այն մեծ խնդիր է ստեղծում այս փոքր, դեպի ծով ելք չունեցող եւ աղքատ հետխորհրդային երկրի համար, որի բնակչությունը 3 մլն է:

Շատ սիրիահայեր ընդդիմադիր ապստամբներին, ովքեր հիմնականում սուննի են, ահաբեկիչներ են համարում: Նրանք աջակցություն են հայտնում նրանց ճնշելու Դամասկոսի ջանքերին: Ասադի իշխանությունը ակտիվ ուշադրություն է դարձրել երկրում 2,5 մլն-ի հասնող քրիստոնյաներին, ինչը հանգեցրել է քրիստոնյաների բարեկեցությանը: Իսկ դա նշանակում է, որ շատ փախստականներ ներկայումս թողել են իրենց ունեցվածքը, ոսին ու բանկային խնայողությունները:


Լուրեր Հայաստանից - NEWS.am