«ԲՈԼՈՐԴ ՀԱՅ ԵՔ, ԲՈԼՈՐԴ ****** ԵՔ». ԹՈՒՐՔԵՐԻ ԻՐԱԿԱՆ ԴԵՄՔԸ

Feb. 27th, 2012 at 10:59 AM
Երեկ` փետրվարի 27-ին, ադրբեջանցիների և թուրքերի հորինած «Խոջալուի ցեղասպանությանը» նվիրված խոշոր ցույց է տեղի ունեցել Ստամբուլի կենտրոնական Թաքսիմ հրապարակում:
Ցույցը վերածվել է իսկական հակահայ պոռթկման. թուրք խուժանը բերել է հայերին վիրավորող բազմաթիվ պաստառներ:

Թուրքական ձախակողմյան պարբերականները նշում են, որ իսլամիստ և ազգայնամոլ տարրերի հետ մեկտեղ ցույցի կազմակերպմամբ զբաղվել են նաև թուրքական իշխանությունները, ինչի ապացույցն էլ այն է, որ դրան մասնակցել է Թուրքիայի ներքին գործերի նախարար Նաիմ Շահինը:

Այլատյաց ցուցարարների ձեռքում եղել են պաստառներ, որոնց բովանդակությունը եղել է բացառապես վիրավորական. «Բոլորս թուրք ենք, թուրք», «Մարդասպան հայ», «Գորշ գայլերն այստեղ են, իսկ հայերը` որտե՞ղ», «Գորշ գայլ Օգյուն», «Վերջ հայերի ստերին», «Բոլորդ հայ եք, բոլորդ «անբարոյական» եք»:

Նշենք, որ ավելի վաղ Ստամբուլում տարածվել էին պաստառներ, որոնցով կոչ էր արվում «լուռ չմնալ հայերի ստերի դեմ»:

Պաստառները քննադատության էին արժանացել թուրքական առաջադեմ շրջանակների կողմից:

Արտատպված է՝ http://gevorgpetrosyan.livejournal.com/183696.html