ԹՈՒՐՔԻԱՅՈՒՄ ՀԱՅ ՔԱՀԱՆԱՅԻ ՊԱՏՄԱԿԱՆ ՏՈՒՆԸ ՎԵՐԱԵԼ ԵՆ ԽԻՆԿԱԼԻԱՆՈՑԻ

Թուրքիայում շարունակում են հայկական պատմական ժառանգության շնորհիվ բիզնես նախագծեր իրականցնել: Այս անգամ հերթը հասել է 18-րդ դարում Ափյոնգարահիսարում ապրած հայ քահանային և նրա տանը:
Թուրքական «Ջիհան» գործակալության փոխանցմամբ, 18-րդ դարում Ափյոնգարահիսարի հոգևոր հովիվներից Խաչատուր քահանա Դոնլյանի տունը մասնակի վերանորոգման է ենթարկվել և բացվել զբոսաշրջիկների համար... որպես խորտկարան:
Շուրջ 400 տարվա պատմություն ունեցող շինությունը վերականգնել է Մեհմեթ Միրօղլու անունով մի թուրք գործարար, ով նշել է, թե աշխատանքները համաձայնեցրել է Մշակույթի և զբոսաշրջության նախարարության հետ: Նա նաև հավելել է, թե պատմական շենքն այժմ գործում է որպես «խինկալիանոց», և ունի «զբոսաշրջային մեծ նշանակություն»:
Նա նաև նշել է, որ վերանարոգումից հետո շենքում կախել են հայ քահանայի լուսանկարը: