ARTAVAZD - zoravar / ԱՐՏԱՎԱԶԴ - զորավար

Գործունեությունը` Զինվորական գործիչ, Զորավար, Կայսր

Բնակավայրը` Իտալիա

Ծննդյան և մահվան թվերն անհայտ են:
VIII դ. բյուզանդացի ռազմական գործիչ:
Արմենիակների, այնուհետև՝ Օպսիկիոն բանակաթեմերի զորավար:

ԱՐՏԱՎԱԶԴի օգնությամբ 717-ին բյուզանդական կայսր է հռչակվել Լևոն III Իսավրացին:
Վերջինս ԱՐՏԱՎԱԶԴին կնության է տվել դստերը և շնորհել կյուրապաղատի աստիճան:
Լեվոն III-ի մահից (741) հետո ԱՐՏԱՎԱԶԴն ապստամբել է նրա որդու՝ Կոստանդին V-ի դեմ:
ԱՐՏԱՎԱԶԴի կողմնակիցները և Անաստասիոս պատրիարքը նրան հռչակել են կայսր, և ԱՐՏԱՎԱԶԴը մտել է Կոստանդնուպոլիս:

Իր մի որդուն՝ Նիկետասին, նշանակել է Արմենիակների բանակաթեմի զորավար, մյուսին՝ Նիկեփորոսին, հռչակել գահակից: Սակայն Սարդեսի ու Անկյուրայի ճակատամարտերում պարտություն կրելով՝ ԱՐՏԱՎԱԶԴն ապաստանել է Օպսիկիոն բանակաթեմում, որտեղ ձերբակալվել է, տարվել Կոստանդնուպոլիս և որդիների հետ կուրացվել: