ԳՐԻԳՈՐ Զ ԱՊԻՐԱՏ

Գործունեությունը` Կրոնական գործիչ

Բնակավայրը` Հայաստան

Ծննդյան թիվն անհայտ է:
Մահ. 1203թ., Սիս, ամփոփվել է Արքակաղին վանքում (Կիլիկիա):

Ամենայն հայոց կաթողիկոս 1194-ից:

Հաջորդել է Գրիգոր Ե Քարավեժին:

Պահլավունիների կաթողիկոսական (1066-ից) տոհմի վերջին գահակալը:

Ներսես Շնորհալու Շահան եղբոր որդին:

Երիտասարդ տարիքում եղել է զինվորական, ապա՝ Տարսոնի, Լամբրոնի և Կեսարիայի արքեպիսկոպոսը:

Կաթողիկոս է ընտրվել ծեր հասակում՝ Լևոն Բ-ի հովանավորությամբ:

Հարել է Ներսես Լամբրոնացու գլխավորած եկեղեցաքաղաքական խմբակցությանը:

Այդ պատճառով Հայաստանի հս-արլ. շրջանների հոգևորականությունը, դեմ լինելով նրա ընտրությանը, կաթողիկոս է հռչակել Բարսեղ Անեցուն (Բարսեղ Ա Անեցու եղբոր որդուն), որով կաթողիկոսական աթոռը բաժանվել է երեք մասի (Հռոմկլայի, Անիի և Աղթամարի):

1198-ի հունվարի 6-ին Տարսոնի Ս. Սոֆիա մայր տաճարում ԳՐԻԳՈՐ Զ ԱՊԻՐԱՏը Կիլիկիայի հայոց թագավոր է օծել Լևոն Բ-ին, աջակցել նրան պետական իշխանության ամրապնդման գործում: