GRIGOR E ANAVARZECI / ԳՐԻԳՈՐ Է ԱՆԱՎԱՐԶԵՑԻ

Գործունեությունը` Կրոնական գործիչ

Բնակավայրը` Հայաստան

Ծննդյան թիվն անհայտ է:
Մահ. 1307թ.:

Ամենայն հայոց կաթողիկոս 1293-ից:

Հաջորդել է Ստեփանոս Դ Հռոմկլայեցուն:

Եղել է Կիլիկյան Հայաստանի Անարգաբա (Անավարզա) ք-ի եպիսկոպոսը (որտեղից՝ անունը):

Կաթողիկոս է օծվել Հեթում Բ-ի աջակցությամբ:

ԳԳՐԻԳՈՐ Է ԱՆԱՎԱՐԶԵՑԻՑու օրոք հայրապետական աթոռը Հռոմկլայից տեղափոխվել է Սիս (1293), որտեղ նա Ս. Սոֆիայի հայրապետանիստ տաճարում Կիլիկիայի թագավոր է օծել (1296) Հեթում Բ-ի եղբայր Սմբատին:

ինելով արևմտամետ խմբակցության հոգևոր առաջնորդ, ինչպես նաև ջանալով ապահովել Արևմուտքի օգնությունը Կիլիկիային՝ վարել է Հռոմի պապի գերիշխանությունն ընդունելու, կաթոլիկ եկեղեցուն ծիսադավանական զիջումներ կատարելու քաղաքականություն:

ԳՐԻԳՈՐ Է ԱՆԱՎԱՐԶԵՑԻն իր կատարած նորամուծությունների ընդհանրական կիրառման և Հռոմի կաթոլիկ եկեղեցու հետ միաբանվելու հորդորանքով քանիցս պատգամավորություններ է ուղարկել բուն Հայաստան՝ արլ. վարդապետների մոտ:

Վերջիններս չընդունելով կաթողիկոսի առաջարկությունը՝ Սյունյաց մետրոպոլիտ Ստեփանոս Օրբելյանի գլխավորությամբ ժողով են գումարել և նամակով կաթողիկոսին խստորեն զգուշացրել Հայ եկեղեցու հնավանդ ավանդույթների մեջ փոփոխություններ մտցնելու վտանգների մասին:

ԳՐԻԳՈՐ Է ԱՆԱՎԱՐԶԵՑԻն հորինել է գանձեր, տաղեր, զանազան տոներին նվիրված շարականներ (լատ. ծեսի համեմատ նորամուծություններով)՝ ամփոփված 30-ից ավելի կանոնների մեջ, որոնք այսօր չեն գործածվում (XIV դ. խափանել է Գրիգոր Տաթևացին):

Դրանցից պահպանվել է միայն Առավոտյան ժամերգության «Մեծացուսցէ» կարգի ամբողջացումն ու ամենօրյա կիրառումը:

Կաթողիկոսական գահին ԳՐԻԳՈՐ Է ԱՆԱՎԱՐԶԵՑուն հաջորդել է Կոստանդին Գ Կեսարացին: