ԴԱՎԻԹ ՌՈՍՏՈՄՅԱՆ ՀԱՐՈՒԹՅՈՒՆԻ

Գործունեությունը` Բժիշկ

Բնակավայրը` Ադրբեջան

Բժիշկ, հասարակական գործիչ:

Ծնվ. 1820թ., Թիֆլիս:
Մահ. 16(28).10.1869թ., Բաքու:

Ավարտել է ՄՊՀ (1842):

Աշխատել է Նուխիի, Շամախիի գավառներում:

1841-ից՝ Շամախիի (1859-ից՝ Բաքվի) նահանգային բժշկի օգնական,
1864-ից՝ Բաքվի նահանգային բժիշկ:

Բաքվի հայոց մարդասիրական ընկերության հիմնադիրներից է (նախագահն ու գանձապահը): Զբաղվել է նաև գրականագիտական գործունեությամբ:

ԴԱՎԻԹ ՌՈՍՏՈՄՅԱՆի «Տեղագրութիւն Բաքուայ» աշխատությունում («Կովկաս», 1847, № 7) տեղեկություններ կան Բաքվի նահանգի պատմական անցյալի, աշխարհագրության, կենդանական աշխարհի, բնական հարստությունների, սանիտարական վիճակի մասին:

«Հասարակաց բժշկականութիւն» (1862) աշխատությունում ԴԱՎԻԹ ՌՈՍՏՈՄՅԱՆը արծարծել է բժշկության հասարակական նշանակության, բժշկական գիտելիքների տարածման անհրաժեշտության, վարակիչ հիվանդությունների դեմ պայքարի միջոցների (հատկապես օրգանիզմի կոփման), ջրաբուժության, բնակչությանը բարձրորակ ջրով ապահովելու հարցերը: