ԵՐՎԱՆԴ Բ

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org

Հայաստանի սատրապ մ.թ.ա. V դ. վերջից մինչև 380-ական թթ. և մ.թ.ա. 360-ական թթ.:

Ծննդյան թիվն անհայտ է:
Մահ. մոտ 344թ.:

Սերել է Դարեհ I Աքեմենյանի զինակից Հյուդարնեսի սերնդից, որը մ.թ.ա. VI դ. խնամիացել էր Երվանդունի արքայատան հետ՝ ընդունելով վերջինիս տոհմանունը:

ԵՐՎԱՆԴ Բ –ն ամուսնացել է Արտաքսերքսես II Աքեմենյանի (մ.թ.ա. 404-355) դստեր՝ Հռոդոգունեի հետ:

Ըստ Քսենոփոնի՝ ԵՐՎԱՆԴ Բ -ի օրոք Հայաստանի սատրապությունն ընդգրկել է գրեթե ամբողջ Հայկական լեռնաշխարհը:

Մ.թ.ա. 386թ-ից հետո Փոքր Ասիայում վարել է տարբեր պաշտոններ, գլխավորել սատրապների ապստամբությունը Արտաքսերքսես II-ի դեմ:

Ապստամբության ճնշումից հետո կրկին հպատակվել է նրան և նշանակվել Մյուսիայի (Փոքր Ասիայի հս-արմ-ում) սատրապ:

Կյանքի վերջին տարիներին հանգրվանել է Հունաստանում և հավանաբար այնտեղ էլ մահացել:

Գրակ.
Քսենոփոն, Անաբասիս, Ե., 1970: