ԽՈՍՐՈՎ Գ

Գործունեությունը` Թագավոր

Բնակավայրը` Հայաստան

Հղումներ` hy.wikipedia.org

Հայոց Արշակունի թագավոր 385-388-ին և 414-ից:

Ծննդյան թիվն անհայտ է:
Մահ. մոտ 415թ.:

Արշակ Գ-ի խնամակալ Մանվել Մամիկոնյանի մահից հետո, հայ նախարարների պահանջով, Պարսից Շապուհ III արքան Հայոց գահին է դրել պատանի ԽՈՍՐՈՎ Գ-ին՝ նրան խնամակալ կարգելով պարսիկ իշխան Զիկին:
Պարսկաստանի և Բյուզանդիայի միջև Հայաստանի բաժանումից (387) հետո պարսկական մասում իշխել է ԽՈՍՐՈՎ Գ-ն, բյուզանդական մասում՝ Արշակ Գ-ն:
Շապուհ III-ի մահից հետո (388) Պարսից արքունիքը ԽՈՍՐՈՎ Գ-ին կանչել է Տիզբոն և Հայաստանի պետական միասնությունը վերականգնելու ամբաստանությամբ բանտարկել Անհուշ բերդում:
414-ին Սահակ Ա Պարթևի միջամտությամբ ԽՈՍՐՈՎ Գ-ն ազատվել է բանտից և գահակալել երկրորդ անգամ՝ իր եղբայր Վռամշապուհի մահից հետո: