KARAPET (SHarl) ADAMYAN MKRTCHI / ԿԱՐԱՊԵՏ (Շառլ) ԱԴԱՄՅԱՆ ՄԿՐՏՉԻ

Գործունեությունը` Նկարիչ

Բնակավայրը` Ֆրանսիա

Ծնվ.` 1872թ., Կ. Պոլիս:
Մահ.` 1947թ., Փարիզ:
Սովորել է Վենետիկի Մուրատ-Ռափայելյան վարժարանում (1887-93), միաժամանակ հետևել նկարչության մասնավոր դասընթացների։
Ստեղծագործել է Կ. Պոլսում, 1897-ից՝ Փարիզում։
1927-ից` Փարիզի գեղ. ազգ. ընկերության անդամ:
Ադամյանը ֆրանս. թատրոններում ձևավորել է ներկայացումներ, հրապարակել հայ ժողովրդի ազատագր. պայքարին նվիրված գրաֆիկ. գործեր, պատկերազարդել ֆրանս. հեղինակների երկեր (շուրջ 150 գիրք)։
Ստեղծել է ծովային տեսարաններ («Ծովափին», 1910, ՀԱՊ), պլակատներ («Ոտքի ելե´ք, մեռյալներ», «Ողջունեցե´ք, ահա Վերդենը» ևն)։
Ադամյանը ինտենսիվ գույնի, հատկապես լույսի ճանաչված վարպետ է։
Կրել է իմպրեսիոնիզմի ազդեցությունը։
Անհատ. Ցուցահանդեսներ` Կ. Պոլսում, Փարիզում, Բրյուսելում, Ստրասբուրգում։
Գործերից պահվում են Փարիզի Լյուքսեմբուրգյան և այլ թանգարաններում, ՀԱՊ-ում։