ՀԱԿՈԲ ԶԱՎՐԻԵՎ (ԶԱՎՐՅԱՆ)

Գործունեությունը` Ազգային-ազատագրական շարժման գործիչ, Բժիշկ

Բնակավայրը` Վրաստան

Հայ ազգային-ազատագրական շարժման գործիչ, բժիշկ:
ՀՀԴ կուսակցության անդամ:

Ծնվ. 1866թ., Թիֆլիս:
Մահ. 1920թ., Մոսկվա:

Ավարտել է Ս. Պետերբուրգի ռազմաբժշկական ակադեմիան (1892):

1902թ-ից՝ Բաքվի Բալախանիի շրջանի հիվանդանոցի գլխավոր բժիշկ, այստեղ մտերմացել է Հ. Քաջազնունոը և Նիկոլ Դումանի հետ:

Բազմիցս եղել է Արմ. Հայաստանում, Մուշում հիմնել հիվանդանոց, քարոզել ազատագրական գաղափարներ:

Խուսափելով թուրքական իշխանությունների հետապնդումներից՝ անցել է Եվրոպա, կատարել դիվանագիտական հանձնարարականներ:

Առաջին աշխարհամարտի տարիներին մասնակցել է հայկական կամավորական շարժմանը, կռվել Անդրանիկի ջոկատում:

1917-ին՝ ռուսերեն գեներալ-կոմիսարի՝ Արմ. Հայաստանի քաղաքաց. գործերով տեղակալ:

Նրա միջամտությամբ կազմավորվել են հայերից կազմված տեղական իշխանություններ:

Հայ ժողովրդի փրկության հարցով 1918-ի ամռանը (Լ. Նազարյանցի և Ռ. Դարբինյանի մասնակցությամբ) Մոսկվայում բանակցություններ է վարել Ռուսաստանի բոլշևիկ, կառավարության հետ:

1918թ-ի հուլիսին, Բաքվի կոմունայի անկումից հետո, ՀԱԿՈԲ ԶԱՎՐԻԵՎը (որպես դաշնակցական գործիչ) ներկալվել է, նշանակվել Մոսկվայի սուր վարակիչ հիվանդությունների հիվանդանոցի բժիշկ, որտեղ և վարակվել է ու մահացել: