ՀԱՐՈՒԹՅՈՒՆ ՓԱՄԲՈՒԿՉՅԱՆ - ՁԱԽ ՀԱՐՈՒԹ

Գործունեությունը` Երգիչ

Բնակավայրը` ԱՄՆ

Ծնվ. 01.07.1950թ., Երևան:
Վաղ տարիքից սովորել է կիթառ, սազ, բուզուկի, դհոլ ու դաշնամուր:
Իր ստեղծած «Էրեբունի» խմբով ելույթներ է ունեցել ամենատարբեր առիթներով ու կատարել ամենատարբեր տեսակի երաժշտություն:
1975թ. կարճ ժամանակով մեկնել է Լիբանան, այնուհետև` ԱՄՆ, որտեղ երկու ամիս բնկվելուց հետո, թողարկել է առաջին ալբոմը` «Ուր էիր Աստված»:
Սկզբնական շրջանում երգել է Լոս Անջելեսի հայկական ակումբներում:
Երգացանկում ներառված են եղել հիմնականում ազգագրական, ժողովրդական, պարային և այլ կատարումներ:
Ազգագրական երգերից հիշարժան են «Անդրանիկ փաշա», «Սասունի օրօրը», «Մշո աղջիկ» և այլն:

Մեծ հաջողություն է նրան բերել երաժիշտ, երգիչ Արթուր Մեսչյանի երգերով «Ռեքվիեմ» ալբոմը, որը թողարկել է Հարութը, որովհետև այդ շրջանում Մեսչյանը խնդիրներ է ունեցել Խորհրդային Միության հատուկ ծառայության մարմինների հետ:
1988թ. մեծ համերգային ծրագրով հանդես է եկել Երևանի «Հրազդան» մարզադաշտում:
Բազմաթիվ համերգներով հանդես է եկել աշխարհի տարբեր մայրցամաքներում` Եվրոպայից մինչ Արևելք, Ավստրալիայից մինչ Ռուսաստան:
Նրա երգերը ոգեշնչել են հայ մարտիկներին Արցախի պատերազմի ժամանակ:
1996թ. համագործակցել է երաժիշտ Ռուբեն Հախվերդյանի հետ և համատեղ թողարկել «Երգը նաև աղոթք է» ալբոմը:
Թողարկել է շուրջ 30 ձայնասկավառակ: