MARIAM ZAMANI BEGUM / ՄԱՐԻԱՄ ԶԱՄԱՆԻ ԲԵԳՈՒՄ

Գործունեությունը` Թագուհի

Բնակավայրը` Հնդկաստան

Մարիամ Զամանին 16-րդ դարում եղել է Հնդկաստանի թագուհի:

Նա Հնդկաստանի Մեծ մոնղոլական տիրակալ Ջելալ աղ-Դին Աքբարի կանանցից Էր:

Մարիամն ստացել էր ժամանակի հիմնարար կրթություն և իր բարեգործություններով ու խելացիությամբ մեծ հարգանք Էր վայելում բնակչության շրջանում և հնդկական արքունիքում:

Նա հնարավորինս օգնել և պայմաններ է ստեղծել հայ վաճառականների, արհեստավորների համար, առանձին դեպքերում թույլատրել է արտոնություններով գործել:

Այդ և հասարակական գործունեության այլ բնագավառներում նա աջակցություն է ստացել ամուսնուց:

Հայերի խելացի և արդյունավետ գործունեության, նաև թագուհի Մարիամի աջակցությամբ հնդկական արքունիքում բարձր պաշտոններ և աշխատանք էին գտնում հայ թարգմանիչներ, բժիշկներ, դիվանագետներ:

Լինելով բազմակողմանի կրթված, զարգացած անձնավորություն, նրա մոտ ուսանել և դաստիարակվել են արքունի հնդկահայ բանաստեղծ Զուլ-Ղառնայնը, ժամանակի հնդկական նշանավոր իրավաբան, իրավագետ, դատավոր Սիր Աբդըլը, ճանաչում գտած բժշկուհի Հուլիանան, պալատական թարգմանիչ Դոմինգո Պիրեսը և այլ պաշտոնյաներ:

Այդ տարիներին Հնդկաստանում կառուցվող որոշ շինություններում աշխատում էին նաև հայ ճարտարապետներ, որոնք և հայկական ճարտարապետության առանձին տարրեր օգտագործում էին կառույցներում:

Հնդկական թագուհի Մարիամ Զամանի մահվան տարեթիվը ստույգ հայտնի չէ, սակայն հնդկական Լաքնաու քաղաքում նրա գերեզմանին կանգնեցրած հուշաքարը կանգուն է մինչ օրս: